Miss Aura International 2021 sulýlyq saıysy 20 qyrkúıek pen 5 qazan aralyǵynda Antalııa qalasynda ótedi.
Saıysqa álemniń ár túkpirinen 70-ten astam arý jınalmaq. Miss Aura International «daryndylar saıysy», «shomylý kıimderiniń defılesi», «keshki jáne ulttyq kıimder» sekildi úsh kezeńnen turady. Sondaı-aq, qatysýshylar áleýmettik jáne qaıyrymdylyq aksııalaryna qatysady.
Qazirgi ýaqytta Laýra baıqaýǵa belsendi daıyndalyp, ulttyq jáne keshki beınelerdi izdeýmen aınalysyp júrgenin aıtty. Jalpy, Laýranyń aımaqtyq jáne halyqaralyq konkýrstarǵa qatysý tájirıbesi mol ekenin aıta ketý kerek.
Buǵan deıin ol «Almaty arýy-2018» fınalyna deıin jetip, onda «Sport-dıva» jáne People Choice sekildi eki nomınasııany jeńip alǵan.
2019 jyly Londonda ótken Miss USSR UK baıqaýynda «II vıse-mıss» ataǵyn jeńip aldy.
Kıevtegi Miss Queen Europe 2019 baıqaýynda basty tıtýldy ıelendi.
Aıta keteıik, úmitkerimiz T.Júrgenov atyndaǵy Qazaq ulttyq óner akademııasynda qoıýshy-rejısser mamandyǵyna oqyǵan.
Qazirgi ýaqytta ol horeograf, sondaı-aq, kınoǵa túsip, model bolyp jumys isteıdi. Laýra tennıs oınaýdy, atqa minýdi, kitap oqyǵandy jáne án aıtqandy unatady.
