«Bıznestiń jol kartasy» jáne «Qarapaıym zattar ekonomıkasy» baǵdarlamalary aıasynda búginge deıin Shymkentte 1788 joba 57,4 mlrd teńgege qarjylandyrylyp, 7,2 myń jumys oryndary ashylǵan. Iаǵnı árbir úshinshi joba atalǵan baǵdarlama aıasynda iske asqan. Bıyl «Bıznestiń jol kartasy» boıynsha 8,4 mlrd teńge qarjy qarastyrylyp, 7 aıda 5,7 mlrd teńgege 970 joba qarjylandyryldy. «Qarapaıym zattar ekonomıkasy» boıynsha bıylǵa josparlanǵan 80 jobanyń 61 jobasy qarjylandyryldy.
Shymkentte shıkizat emes sektorda bes jylda 608 mlrd teńgege jańadan 62 joba iske asatyn bolady. Onyń ishinde jeńil ónerkásip, farmasevtıka, tamaq, hımııa, mashına jasaý salalarynda 30 jańa ónim túrleri eksporttalmaq. О́nim shyǵarý geografııasy qazirgi 15 elden 2025 jyly 25 elge jetkizilmek. Qalanyń eksporttyq áleýetin arttyrýda «Juldyz» ındýstrıaldy aımaǵynda 200 mlrd teńgege 60 joba, «Standart» jeke ındýstrıaldy aımaqta 180 mlrd teńgege 30 joba iske asady dep kózdelgen.
Qala boıynsha qazir ınflıasııa deńgeıi 5,4 paıyzdy quraıdy. Áleýmettik mańyzy bar azyq-túlik taýarlarynyń baǵasyn turaqtandyrýda О́ńirlik turaqtandyrý qoryna jergilikti bıýdjetten 4,7 mlrd teńge baǵyttaldy. Azyq-túlik taýarlaryna baǵa turaqtylyǵyn saqtaýda áleýmettik dúkender jelisi ashylǵan. Jyl sońyna deıin qosymsha 7 dúken ashylyp, barlyǵy 10 dúken halyqqa qyzmet kórsetetin bolady. Jergilikti taýar óndirýshilerimen azyq-túlik taýarlarynyń baǵasyn negizsiz ósirmeý jóninde 14 memorandým jasalyp, aýyl sharýashylyq ónimderine forvardtyq kelisim-sharttar jasaqtalady.
Prezıdent Joldaýynda kórinis tapqan osy jáne ózge de máseleler boıynsha qala aýqymynda atqarylyp jatqan jumystardy baıandaǵan shahar basshysy, berilgen tapsyrmalardy óz deńgeıinde atqarýǵa qalanyń múmkindigi jetetinin atap ótti.
