О́ner • 08 Qyrkúıek, 2021

Rýhııa Baıdúkenova Qazaqkonsert solısi atandy

112 ret kórsetildi

Qazaqkonsert basshysy Jeńis Seıdýllauly «Slavıan bazary-2021» halyqaralyq baıqaýynyń jeńimpazy atanǵan Rýhııa Baıdúkenovamen kezdesti, dep habarlaıdy Egemen.kz.

Kezdesý barysynda Jeńis Seıdýllauly Rýhııany óner jolyndaǵy jetistikterimen quttyqtap, jas ánshiniń aldaǵy josparlarymen tanysty.

«Slavıan bazary-2021» halyqaralyq baıqaýynyń bas júldesin ıelenip, Táýelsizdigimizdiń 30 jyldyǵyna oraı tamasha tartý jasaǵan Rýhııanyń esimi búginde elimizge keńinen tanymal. Jas bolsa da, kásibı sheberligimen erekshelengen talantty qyzymyzdyń aldaǵy maqsaty – otandyq mádenıettiń damýyna óz úles qosyp, mýzyka ónerinde óz qoltańbasyn qaldyrý. Rýhııanyń osy baǵyttaǵy mańyzdy qadamdarynyń biri – «Qazaqkonsert» solısi atanýy», dedi Jeńis Seıdýllauly.

Rýhııa Baıdúkenova óz kezeginde Mádenıet jáne sport mınıstrligi men aǵa býyn ánshileriniń qoldaýyna alǵys bildirip, otandyq ónerdiń órkendeýine úles qosýyna daıyn ekendigin jetkizdi.

«Qazaqkonserttiń ánshisi bolý – bala kúngi armanym. Roza Baǵlanova, Jamal Omarova, Júsipbek Elebekov, Manarbek Erjanov sııaqty esimderi el tarıhynda altyn áriptermen jazylǵan ataqty tulǵalardyń izi qalyp, Sara Tynyshtyǵulova, Altynbek Qorazbaev, Roza Rymbaeva, Maqpal Júnisova, Dımash Qudaıbergen syndy óner juldyzdary eńbek etip júrgen óner ordasynyń solısi bolý – men úshin úlken mártebe. Aldaǵy maqsatym – Qazaqstannyń mádenıetin jáne Qazaqkonserttiń atyn álemge tanytý», dep bólisti Rýhııa Baıdúkenova.

Sońǵy jańalyqtar

Aqtaý ákimine sógis jarııalandy

Aımaqtar • Búgin, 18:45

Almatyda eki kóshe jartylaı jabylady

Aımaqtar • Búgin, 16:48

Bıyl mektep formasy ózgermeıdi

Bilim • Búgin, 16:14

Dollar qymbattady

Ekonomıka • Búgin, 15:54

Jetisý oblysynyń TJD basshysy taǵaıyndaldy

Taǵaıyndaý • Búgin, 15:08

Aralda jol apatynan bir adam kóz jumdy

Oqıǵa • Búgin, 11:35

Uqsas jańalyqtar