Almatyda ǵylym men tehnologııalardyń 2030 jylǵa deıingi damý jospary usynyldy
Almaty qalasyndaǵy Ǵylym ordasynda «Ulttyq memlekettik ǵylymı-tehnıkalyq saraptama ortalyǵy» AQ pen Bilim jáne ǵylym mınıstrligi «Sınergııa: ǵylym, bıznes jáne qoǵamdy biriktirý» taqyrybynda alqaly jıyn uıymdastyrdy.
Almatyda ǵylym men tehnologııalardyń 2030 jylǵa deıingi damý jospary usynyldy
Almaty qalasyndaǵy Ǵylym ordasynda «Ulttyq memlekettik ǵylymı-tehnıkalyq saraptama ortalyǵy» AQ pen Bilim jáne ǵylym mınıstrligi «Sınergııa: ǵylym, bıznes jáne qoǵamdy biriktirý» taqyrybynda alqaly jıyn uıymdastyrdy.
«Sınergııa» forýmy – ǵylym men tehnologııalardyń áleýetin el ekonomıkasyn biriktirýge jáne ony áleýmettiń ózekti máselelerine jumyldyrýǵa baǵyttalǵan ǵylymı orta, bıznes arasyndaǵy dıalog júrgizý alańy. Sonymen, Qazaqstanda ǵylym men tehnologııalardy 2030 jylǵa deıin damytý máselelerin talqylaý maqsatynda forýmǵa 500-ge tarta adam qatysty.
Forým kezinde Qazaqstan úshin mańyzdy – ult salaýattylyǵy, bıotehnologııalar, jańa materıaldar men tehnologııalar, aqparattyq jáne kommýnıkasııalyq tehnologııalar, aýylsharýashylyq sektordyń turaqty damýy, tamaq ónimderin óńdeý jáne olardyń qaýipsizdigi, mashına qurastyrý sııaqty 8 basym baǵyt boıynsha tusaýkeserler ótkizildi.
Forým sheńberinde QR BǴM tapsyrmasymen alǵash ret «UMǴTSO» AQ «Júıeli analız jáne ǵylymdy boljamdaý» jobasy boıynsha ótkizilgen forsaıt-zertteýlerdiń nátıjeleri usynyldy. Forsaıtty strategııalyq sheshimder qabyldaý ádistemesi retinde 1970 jyldardan bastap, búginde tehnologııalyq kóshbasshylar qataryna kóterilgen Japonııa jáne Ońtústik Koreıa engize bastaǵan. Al 2011 jyldan beri ǵylymdy aldyńǵy qatarda kórsetýge múmkindik beretin trendterdiń «aldyn alý» tájirıbesin Qazaqstan da ıgerdi.
Jobany iske asyrý úshin «UMǴTSO» AQ memlekettik organdar, zertteý uıymdarynyń, «úlken tórttik» kompanııalarynyń jáne basqa da bedeldi kózder málimetterin taldaý boıynsha orasan zor jumys atqaryp otyrǵanyn aıta ketýge bolady. Ony daıyndaýǵa elimizdiń ǵylymı uıymdarynan, akademııalyq jáne bıznes ortasynan myńnan astam ókilder qatysty. Jobaǵa baılanysty Manchester Ýnıversıteti (AQSh), KISTEP (Ońtústik Koreıa) jáne Fınlıandııa Akademııasynan salalyq taldaý jáne josparlaý salasyndaǵy belgili halyqaralyq sarapshylar keńes bergen.
«Ult densaýlyǵyn saqtaýǵa jáne jaqsartýǵa yqpal etetin eksportqa baǵyttalǵan ekologııalyq taza aýylsharýashylyq ónimderi» pánaralyq zertteý sheńberinde usynylatyn sharanyń biri – óndirý barysynda ónim birliginiń ózindik qunyn keminde 30 paıyzǵa tómendetý múmkindigin beretin jańa aýylsharýashylyq mashınalar men jerdi paıdalanýǵa beıimdelgen júıe negizinde topyraq qorǵaý tehnologııalaryn engizý usynylady.
Oǵan qosa «Jasyl» tehnologııalar negizinde taza ekologııalyq orta» tazartylatyn ónimderden paıdaly komponentterdi alýmen sarqyndy sýdy tazartý júıesin óńdeý qajettiligi atap ótilgen.
«Qýattylyǵy tıimdi jáne qýat únemdeý qoǵamy» atty zertteýde «jasyl» energetıkany damytý úshin qarjylyq jáne zańnamalyq yntalandyrý qajettiligine erekshe nazar aýdarylǵan.
Ǵylymı qaýymdastyq usynǵan tehnologııalardyń jalpy sany 300-den asyp jyǵylady jáne olardy óńdeý úshin 500-deı ǵylymı taqyryp boıynsha zertteý júrgizýdi qajet etedi. Qysqasy, forýmda ázirlengen usynystar portfeli elimizdiń 2030 jylǵa deıin ǵylymı-tehnologııalyq salada damýyna arnalǵan sheshimder shyǵarý úshin, tıisti mekemelerge usynylatyn bolady.
Aınash ESALI,
«Egemen Qazaqstan».
ALMATY.
