Nıgerııa memleketiniń soltústik-shyǵysyndaǵy katolıkter shirkeýine jasalǵan shabýyldan 50-ge jýyq adam qaza boldy. Bul týraly ITAR-TASS habarlady.
Jergilikti quqyq qorǵaý organdarynyń resmı ókili málimdegendeı, qarýlanǵan sodyrlar Vaga Chakava aýlyndaǵy katolıkter shirkeýine basyp kirgen.
Polısııa deregi boıynsha, lańkester aldymen birneshe jarylǵysh quralyn iske qosyp, artynan dinı qaýymnyń múshelerine oq jaýdyra bastaǵan. Ázirge eldegi eshbir terrorıstik uıym atalmysh oqıǵaǵa baılanysty jaýapkershilikti óz moıyndaryna alǵan joq.
О́tken aptada «Boko haram» uıymynyń ekstremısteri Nıgerııanyń soltústigindegi Alaý Ngavo aýlynyń 18 turǵynyn qyryp salǵan bolatyn.
Aıdar О́risbaev.
Derekkóz: Itar-tass.com
Foto: Ap.org
