Almatyda ótken Qazaqstan boks federasııasynyń jyldyq esep berý konferensııasynda ulttyq quramanyń jumysyn damytý maqsatynda tájirıbelik qurama komanda quryldy. Bul týraly egemen.kz tilshisi habarlady.
Jıynda Boks federasııasynyń prezıdenti Tımýr Qulybaev tájirıbelik qurama komandanyń qurylǵanyn jáne oǵan jattyqtyrýshy bolyp Beıjiń Olımpıadasynyń chempıony Baqyt Sársekbaevtyń taǵaıyndalǵanyn málimdedi. «Bul komanda ulttyq quramamyzdyń jumysyn odan ár jaqsartý maqsatynda quryldy. Onyń quramyna 18 ben 21 jas aralyǵyndaǵy daryndy boksshylarymyz enetin bolady. Qazir tájirıbelik qurama komanda oqý-jattyǵý jıynyn bastap ketti», dedi ol. Onyń aıtýynsha, tájirıbelik komanda otandyq boksshylardyń sabaqtastyǵyn kúsheıtý úshin maqsatynda quryldy. Sonymen birge konferensııada ulttyq quramamyzdyń Azııa jáne álem chempıonattaryndaǵy nátıjelerine baǵa berilip, áıelder boksy men "Astana arlandary" komandasynyń jumysy týraly másele qaraldy. Osydan keıin Boks federasııasy bıylǵy jylǵa josparyn jasap, osy jyly Túrkistan jáne Semeı qalalarynda eki dene shynyqtyrý-saýyqtyrý ámbebap sport keshenin salynatyndaryn málimdedi.
Konferensııada qaralǵan máseleler týraly keńirek myna jerden kórýlerińizge bolady.http://www.kfb.kz/rus/news/487/
Dastan Kenjalın.
Derekkóz: http://www.kfb.kz
