Úkimet • 10 Qyrkúıek, 2021

Asqar Mamın jańa ekologııa mınıstrin tanystyrdy

34 ret kórsetildi

QR Premer-Mınıstri Asqar Mamın Ekologııa, geologııa jáne tabıǵı resýrstar mınıstrliginiń ujymyna jańa basshy Serikqalı Brekeshevti tanystyrdy, dep habarlaıdy Egemen.kz.

Úkimet basshysy Ekologııa, geologııa jáne tabıǵı resýrstar mınıstrliginiń aldyna jańa Ekologııalyq kodeksti tıimdi iske asyrýdy qamtamasyz etý, Tómen kómirtekti damý tujyrymdamasyn daıyndaý, orman qoryn ulǵaıtý, sý resýrstary men balyq sharýashylyǵyn basqarý júıesin odan ári damytý boıynsha mańyzdy mindetter qoıylǵanyn atap ótti.

«Memleket basshysy Ulttyq geologııalyq qyzmetti qurýdy tapsyrdy. Geologııalyq barlaýdy damytýǵa jáne jer qoınaýyn keshendi zertteýge, geologııalyq aqparattyń ashyq sıfrlyq bazasyn qurýǵa erekshe nazar aýdarý qajet», dedi A. Mamın.

Serikqalı Brekeshev 1972 jyly 14 qazanda Pavlodar qalasynda dúnıege kelgen.

1995 jyly Atyraý polıtehnıkalyq ınstıtýtyn «Munaı jáne gaz ken oryndaryn ıgerý» mamandyǵy boıynsha bitirgen.

Túrli jyldary energetıka jáne mıneraldyq resýrstar, munaı jáne gaz mınıstrlikterinde, «QazTransGaz» AQ-da basshylyq qyzmetterde jumys istedi.

2020 jyldyń naýryz aıynan bastap QR ekologııa, geologııa jáne tabıǵı resýrstar vıse-mınıstri qyzmetin atqardy.

Sońǵy jańalyqtar

Suıytylǵan gaz baǵasy óspeıdi

Qoǵam • Búgin, 18:21

Aldaǵy kúnderi aýa raıy qandaı bolady

Aýa raıy • Búgin, 18:00

Dollar arzandady

Qarjy • Búgin, 16:22

Shymkentte de LRT salynýy múmkin

Aımaqtar • Búgin, 12:50

Prezıdent dıpkorpýs ókilderin quttyqtady

Prezıdent • Búgin, 12:39

Bas múftı kásipkerlerge úndeý jasady

Rýhanııat • Búgin, 12:28

Uqsas jańalyqtar