BIRLIGIMIZ — BAILYǴYMYZ

1 Mamyr Qazaqstan halqynyń birligi kúni merekesi retinde Qazaqstan halqynyń Assambleıasy qurylǵannan keıin atap ótile basta­dy. Elbasynyń arqasynda elimiz ishinde eýrazııalyq ıdeıa, ıaǵnı biz bir halyqpyz degen senim ornyǵyp otyr. Osy rette “halyqtar” emes, “halyq” degen túsinik bastaý aldy. Onyń negizinde eldi qurýdyń Pre­zıdent oılastyrǵan júıeli qadamy jatqany málim jáne bul úderis­terdiń barlyǵy bir-birimen tyǵyz baılanysta damydy. Sol kezden biz halqymyzdyń birligin tanytatyn merekeni sezine bastadyq. Ár túrli etnos ókilderiniń ulttyq kıimderimen shyǵyp, merekeleýi elimizdiń eldi mekenderin quddy boıaýy qanyq shoq-shoq gúlderge uqsattyrady. Iаǵnı, bul ártúrlilik arqyly bir­likke jetý degendi bildiretin sekil­di. Shoq gúldegi árbir gúl bir-birin tolyqtyra túsedi. Sonyń arqasyn­da ol óte ádemi reńkke enedi. 1 Ma­myr­dy men ózim solaı qabyldaı­myn. Merekeniń kóktem mezgilinde toılanyp jatýy da tabıǵatpen etene ekenimizdiń bir kórinisindeı kúıge bóleıdi. Dala tabıǵatyndaǵy barlyq ósimdikterdiń jarasym tabýy sııaqty qoǵamdaǵy jarastyq ta soǵan laıyq órbýi tıis. Bir-birimizge jyly sóz aıtýymyzdyń ózi mereke kezinde erekshe estilerin bárimiz de jaqsy túsinemiz. Men Assambleıa qurylǵannan bergi onyń barlyq sessııalaryna qatysyp kelemin. Prezıdent N.Na­zarbaevtyń bastamasymen ómirge kelgen Assambleıanyń qurylýyna da belsene atsalystym. Elbasy táýelsizdiktiń alǵashqy jyldary birlik ınstıtýty jaıly aıta bas­taǵanda, onyń adamdardy biriktire biletin qabiletin baıqadym.  Assam­bleıany qurýda, ıadrosyz álemdi ornatý bastamasynda, EQYU  jáne ózge de máselelerde Prezıdenttiń osyndaı biriktirýshi qasıeti onyń árbir is-áreketinen aıqyn seziledi. Mundaı mıssııa, ásirese, Qazaqstan halqy Assambleıasyn qurýda aıqyn ańǵaryldy. BUU Bas hatshysy, Reseı men Eýropa elderi sarapshy­lary bolsyn, elimizdiń táýelsizdik alǵan alǵashqy jyldaryndaǵy qa­damdarymyzdyń durys bolǵan­dyǵyn aıtýdan tanbaı keledi. О́ıt­keni, Elbasy damýdyń arnasyn eko­nomıka men birlikke burdy. Mi­ne, osy negizgi eki basymdyq mem­leketti qurýdyń basty kilti boldy. О́zge elderdegi etnosaralyq qa­rym-qatynastarǵa kóńil bólinbe­gendikten, jaǵdaılarynyń qandaı kúıde ekenin kórip júrmiz. Ortaq shańyraq kóterý bir rettik jumys emes, ony únemi bıiktetip, bekitip otyrý qajet. Al qazaq tili sol be­re­ke-birligimizdi nyǵaıtýdyń basty quraly bolýy qajet. Halyq ortaq til men mádenıet, ortaq qundy­lyqtar negizinde irgetasyn nyǵaıt­qany jón. Prezıdenttiń danalyǵy da osynda jatyr, ıaǵnı ol máse­lelerdiń bárin júıeli sheshýde. Qoryta aıtqanda, Qazaqstan halqy Assambleıasy belsendi damyp keledi. Eshqandaı syn da joq de­meımin, óıtkeni, kez kelgen bastama qarsylyqqa ushyrap jatady. Osy rette eldiń tutastyǵyn oılasaq, birligimiz ben berekemiz árqashanda kún tártibinde turǵany jón. О́z úıimizde tártipti, ekonomıkalyq damýdy jáne etnosaralyq birlikti saqtaı bileıik. Vıktor KIIаNSKII, Májilis depýtaty, QHA múshesi.