«Búgin biz de búkil álemdi dúr silkindirgen AQSh tarıhyndaǵy eń qaraly kúnderdiń biri – 2001 jyldyń 11 qyrkúıegindegi terrorlyq akt qurbandaryn eske alamyz», dedi Memleket basshysy Twitter-de.
Sondaı-aq, Prezıdent Qazaqstan terrorızmmen kúreste halyqaralyq qaýymdastyqty qoldaıtynyn aıtty.
«Adamzatqa qarsy jasalǵan osy jantúrshigerlik oqıǵa búkil álemdegi mıllıondaǵan adamdardyń jadynda berik saqtalǵan.
Qazaqstan álemdik qoǵamdastyqtyń terrorızmge qarsy is-qımyldaryn túbegeıli qoldaıdy. Qaýipsizdik pen turaqtylyqty qamtamasyz etý – Qazaqstan strategııasynyń jáne AQSh-pen strategııalyq seriktestigimizdiń negizgi ustanymy», dedi Toqaev.
Eske salaıyq, osydan 20 jyl buryn, 2001 jyldyń 11 qyrkúıeginde AQSh-ta adamzat tarıhyndaǵy eń iri terrorıstik shabýyldardyń biri boldy. Úsh myńǵa jýyq adam qaza tapty. Eki ushaq Nıý-Iorktegi Dúnıejúzilik saýda ortalyǵynyń munaralaryn tas-talqan etti, úshinshisi Pentagon ǵımaratyna qulady, al taǵy bireýi Pensılvanııadaǵy Shanksvıll mańyna tústi.
