Dúnıejúzilik reıtıngte 299-orynda turǵan 20 jastaǵy T.Skatov jartylaı fınalda álemniń 291-raketkasy, 1993 jylǵy ıtalııalyq Franko Agamenonemen sheberlik baıqasty.
Birinshi partııada esep 1:1 bolǵannan keıin qarsylastar eki márte breık almasty.
Sodan keıin T.Skatov óz geımin de alyp, 5:3 esebimen alǵa ketti. Áıtse de setke dop bergende, ıtalııalyq tennısshi tarazy basyn teńestirdi – 5:5. Taı-breıkte F.Agamenoneniń joly boldy – 7:6 (7:4).
Ekinshi sette esep 2:2 bolǵan mezette ıtalııalyq sportshy breık jasap ketti. Aqyry matchty taǵy bir breıkpen támamdady – 6:3.
Tartysty báseke 1 saǵat 50 mınýtqa sozyldy. Italııalyq tennısshi fınalda álemniń 155-inshi, osy jarystyń 1-raketkasy, argentınalyq Sebastıan Baes nemese reıtıngte 347-satydaǵy túrkııalyq Ergı Kırkınniń bireýimen bas júldeni sarapqa salady.
