Televızııalyq jobanyń ár serııasy tolyqqandy sıýjetke qurylady. Sıýjetterde bas keıipkerdiń rólin Tuńǵyshbaı Jamanqulov, Nurlan Álimjanov, Jan Baıjanbaev, Erik Joljaqsynov, Arýjan Jazylbekova, Berik Aıtjanov, Aıan О́tepbergen, t.b. tanymal qazaqstandyq akterler somdaıdy. Joba avtorlary kúrdeli rejısserlik sheshimder arqyly oıshyldyń qarasózderin jańa qyrynan ashýǵa tyryspaq.
Teleradıokeshenniń bas dırektory Raýshan Qajybaevanyń aıtýyna qaraǵanda, ujym bul jobaǵa úlken jaýapkershilikpen kirisip otyr. «Onyń fılosofııalyq paıymdary men danalyǵy ýaqyt ótken saıyn ózekti bola túsken. Aqynnyń «Qarasózderi» qoǵamnyń rýhanı-mádenı ómirine baǵdar berip tur. «Aqyry oıladym: oıyma kelgen nárselerdi qaǵazǵa jaza bereıin, aq qaǵaz ben qara sııany ermek qylaıyn, kimde-kim ishinen kerekti sóz tapsa, jazyp alsyn, ıa oqysyn, keregi joq dese, óz sózim ózimdiki dedim de, aqyry osyǵan baıladym, endi munan basqa eshbir jumysym joq». Hakimniń sol aıtqany aınymaı kelip, búgin jurt «qarasózben» jazylǵan rýhanı murany áli azyq etip keledi», deıdi Raýshan Qajybaeva.
