«Qyzyljar» óz alańynda Qyzylordanyń «Qaısarynyń» qaqpasyna jaýapsyz eki dop saldy – 2:0. Bul goldardyń avtorlary – Álibek Kasym men Tımýr Mýldınov.
«Atyraý» men «Turan» 2:2 esebimen teń tarasty.
«Aqjaıyq» men «Astana» arasyndaǵy básekeniń taǵdyryn elordalyq klýbtyń jartylaı qorǵaýshysy Valerıı Chýperkanyń 10-mınýtta soqqan jalǵyz doby sheshti – 0:1.
Qaraǵandynyń «Shahtery» Taldyqorǵannyń «Jetisýyn» qabyldap, 3:1 esebimen utty. Bul goldardyń barlyǵy da birinshi taımda soǵylyp, Oralhan О́mirtaev dýbl avtory atandy.
«Aqtóbe» men «Taraz» arasyndaǵy kezdesýde esep ashylǵan joq – 0:0.
Shymkentte «Ordabasy» «Qaıratty» 2:1 esebimen qapy qaldyrdy. Al «Tobyl» Qostanaıda Aqtaýdyń «Kaspııinen» aılasyn asyrdy – 2:1.
Joǵarydaǵy jeńisinen keıin «Tobyl» qaıta kósh bastady. Dáp qazir qostanaılyq fýtbolshylardyń 45 upaıy bar. Ekinshi oryndaǵy «Astananyń» basty qarsylasynan bir upaıy kem. «Qaırat» úshinshi satyǵa taban tireýde. Almatylyqtar 37 upaıdy enshilep otyr.
