2020 jyly ulttyq qoǵamdyq senim keńesiniń IV otyrysy barysynda Memleket Basshysy Qasym-Jomart Kemeluly Toqaev oqýshylar arasynda oqý saýattylyǵyn arttyrý jáne balalarǵa arnalǵan oqý mádenıetin nasıhattaý qajettigin atap ótti. Osy turǵyda qazirgi qoǵamda tabysty jáne básekege qabiletti tulǵa qalyptastyratyn, balalardy qorshaǵan ortany taný álemine jeteleıtin mektepter men kitaphanalardyń erekshe róli atap ótildi. Bul rette aýyldyq jerlerdegi mektepterdiń kitaphana qorlarynyń qoljetimdiligi men sapasy qalalyq jáne respýblıkalyq mektepterden aıtarlyqtaı erekshelenedi.
Osyǵan baılanysty, oqý mádenıetin ilgeriletý arqyly, atap aıtqanda, shalǵaı eldi mekenderde óskeleń urpaqtyń azamattyq jáne rýhanı-adamgershilik baǵdaryn qalyptastyrý jáne damytý maqsatynda QR Aqparat jáne qoǵamdyq damý mınıstrligi Qazaqstandaǵy Otbasy kúnine arnalǵan «Aýylyma kitap» respýblıkalyq qaıyrymdylyq aksııasyn ótkizedi. Osy aksııa aıasynda QR Indýstrııa jáne ınfraqurylymdyq damý mınıstrligi Jambyl oblysynyń «Rýhanı jańǵyrý» jobalyq keńsesi» kommýnaldyq memlekettik mekemesine qazaq, orys jáne aǵylshyn tilderinde 450-den astam kitap tapsyrdy.
