Elbasy Nursultan Nazarbaev bıylǵy Joldaýynda da analarǵa úlken jaýapkershilik júktep otyr. Ol kisiniń «Máńgilik Qazaqstan» jobasynyń irgetasyn bizdiń balalarymyz qalap, nemerelerimiz ıgiligin kóretin bolady. Sondyqtan da «Bul Strategııa sizderge arnalǵan. Ony júzege asyratyn da, jemisin kóretin de sizder. О́z jumys oryndaryńyzda otyryp, osy jumysqa árqaısyńyz atsalysyńyzdar. Eldiń bolashaǵyn barsha halyqpen birge jasańyzdar!» dep otyr Elbasy.
OTAN OTBASY JAÝAPKERShILIGINE IEK ARTADY
Elbasy Nursultan Nazarbaev bıylǵy Joldaýynda da analarǵa úlken jaýapkershilik júktep otyr. Ol kisiniń «Máńgilik Qazaqstan» jobasynyń irgetasyn bizdiń balalarymyz qalap, nemerelerimiz ıgiligin kóretin bolady. Sondyqtan da «Bul Strategııa sizderge arnalǵan. Ony júzege asyratyn da, jemisin kóretin de sizder. О́z jumys oryndaryńyzda otyryp, osy jumysqa árqaısyńyz atsalysyńyzdar. Eldiń bolashaǵyn barsha halyqpen birge jasańyzdar!» dep otyr Elbasy.
Men qala qyzymyn, aýyl kelinimin. Segiz balany dúnıege ákelsem de jumystan qalǵan emespin. Úıde de qarap otyrmaımyz. Quraq qurap, kıiz basýdy, sharýa isteýdi qaıyn enemnen úırendim. Balalaryma da úıretýdemin. Bul – tárbıeniń tálimdi órnegi. Qazir úı janynan tigin sehyn ashyp, ultymyzdyń qolónerin damytý qamyndamyn. Joldaýda atap kórsetilgenindeı, bul iske otbasy múshelerin keńinen tartatyn bolamyn.
Keleshegi kemel eldiń bolashaǵy – tárbıeli urpaqta. Bul oraıda, balany materıaldyq qamtamasyz etýden góri, onyń tárbıesimen aınalysý qıynyraq. Bala áýeli ata-anasynyń sózi zań bolǵandyqtan, áke-sheshesiniń jasaǵan is-áreketin ózine úlgi etip alady. Islamda «bala Jaratqan ıemizdiń ata-anaǵa jibergen amanaty» degen túsinik bar. Osy jolda senim bıiginen kórinip, mindetin adal atqarǵan ata-analar qandaı syı-qurmetke bolsyn laıyqty.
Otbasy – Otannyń bir bólshegi degen jaqsy sóz bar. Endeshe, erteńgi eren isterimiz, telegeı tabystarymyz, baqytty tirshiligimiz barshamyzdyń qolymyzda ekendigin umytpaıyq degim keledi.
Roza ASYLBEKOVA,
«Altyn alqa» ıegeri.
Aqmola oblysy,
Selınograd aýdany.
ÁN MEN KÚI ÁLEÝMET TOQ BOLǴANDA ǴANA KEREK
El ómiri tek mádenıetten turmaıdy. Eń aldymen, halyqtyń turmysy jaqsy bolýy kerek ekenin árqaısymyz bilemiz. Nan bolsa án de bolatynyn bala kezimizden qulaǵymyzǵa quıyp ósken urpaqpyz. «Oraza, namaz toqtyqta» degendeı, Elbasynyń bıylǵy Joldaýynda eń birinshi áleýmettik máselelerdiń kóterilgeni óner adamdarynyń da kóńilinen shyǵady dep oılaımyn. Ekonomıkasy men ǵylym-bilimi damyǵan el ǵana mádenıetke kóńil bóle alatynyna kózimiz jetken.
Sondyqtan da Joldaýda basymdyq berilgen barlyq salalardyń damýy túptiń-túbinde ulttyq ónerge de jaǵdaı jasaýǵa jol bastap beredi dep esepteımin. Tynyshtyǵy, tatýlyǵy, damýy joq elderdiń mádenıet túgili, bas qaıǵysymen, bir kúnkóris qamy úshin ózge elderden jumys izdep, sendelip júr. Sondyqtan da Prezıdentimizdiń búgingi tabysymyzǵa toqmeıilsimeı, erteńgi bolashaǵymyzǵa kóp mán berip, jastarymyz básekege qabiletti eldermen terezesi teń dárejede bilim alýyna yqpal jasap otyrǵanyna biz de qýanamyz.
О́z ata-anam eńbekpen kórkeıgen qarapaıym adamdar bolǵandyqtan, aldymen ártúrli salalarda jumys istep jatqan jandardyń jalaqysy kóterilip, jaǵdaı jasalyp jatqany barshamyz úshin mańyzdy. Árqaısymyzdyń áke-sheshemiz muǵalim, endi bireýlerimizdiń ata-anamyz malshy, dáriger, baýyrlarymyz stýdent bolǵandyqtan, Elbasy Joldaýynda aıtylǵan, jeke-jeke toqtalǵan máselelerdiń bári aınalyp kelgende barshamyzǵa qatysty bolyp shyǵady.
Elbasymyz basqasyn bylaı qoıǵanda, aıran-sútti alystan tasymaı, ózimiz óndirip, qaıta shet memleketterge eksporttaýdy da aıtyp otyr. Mysaly, alǵashqy medısınalyq-sanıtarlyq kómekti damytý, sportpen shuǵyldaný, durys tamaqtana bilý, júıeli profılaktıkalyq tekserilý degenderdiń barlyǵy bizdiń halqymyz úshin aýadaı qajet. Sonan soń maǵan múmkindigi shekteýli, múgedek jandardy da jumyspen qamtyp, olardyń qoǵamdyq kólikterde qozǵalýyna, baratyn jerlerine baryp-kelýine jaǵdaı týǵyzý kerek degen joldar óte unady. Shetelderde gastroldik saparlarda bolǵanda, ol elderde múgedek jandarǵa jasalǵan jaǵdaılardy kórip, bizde de osyndaı bolsa eken dep oılaıtynmyn. Bul – óz halqyn syılaǵan, súıgen Elbasymyzdyń úlken isi. Qoǵamdaǵy árbir adamnyń jaǵdaıyn oılasaq, erteń osynyń bári aldymyzdan shyǵady.
Elbasy, óte kúrdeli, jan-jaqty tapsyrmalar bere otyryp, mádenıet salasynan báribir attap ótken joq. Nursultan Ábishuly: «Jalpyqazaqstandyq mádenıetti damytýǵa jańasha serpin bergen jón. Mádenı saıasattyń uzaqmerzimdi tujyrymdamasyn ázirleý qajet. Onda qazaqstandyqtardyń básekege qabiletti mádenı mentaldigin qalyptastyrýǵa, zamanaýı mádenıet klasterlerin damytýǵa baǵyttalǵan sharalar belgileý kerek», dedi.
Kezinde óner salasy da talaı qıyndyqtar men qarjy tapshylyǵyn bastan ótkerdi. Endi jańa zamanǵa aıaq bastyq. Aldaǵy ýaqytta óner salasyn sapalandyrý isi júretinine senemin.
Mádına SÁDÝAQASOVA,
Qazaqstannyń eńbek
sińirgen qaıratkeri, ánshi.
ALMATY.
