S.Muqanov atyndaǵy oblystyq kitaphanada belgili jýrnalıst, kósemsóz sheberi Málik Muqanovty eske alý keshi ótip, 70 jyldyq mereıtoıymen oraılastyryldy. Oǵan marqumnyń týǵan-týystary, qalamdas áriptesteri qatysyp, adamgershilik asyl qasıetteri jaıly jan-jaqty syr shertti.
S.Muqanov atyndaǵy oblystyq kitaphanada belgili jýrnalıst, kósemsóz sheberi Málik Muqanovty eske alý keshi ótip, 70 jyldyq mereıtoıymen oraılastyryldy. Oǵan marqumnyń týǵan-týystary, qalamdas áriptesteri qatysyp, adamgershilik asyl qasıetteri jaıly jan-jaqty syr shertti.
Eńbek jolyn oblystyq «Soltústik Qazaqstan» gazetinde bastap, aqtyq demi taýsylǵansha respýblıkalyq «Egemen Qazaqstan» basylymynda jumys atqarǵan Mákeń jurtshylyqtyń esinde qarymdy qalamgerligimen qosa kúreskerlik tulǵasymen de este qaldy. Oblystyq máslıhattyń depýtaty bola júrip saıası kúrestiń, qoǵamdyq ómirdiń aldyńǵy leginen tabyldy. Onyń qalamynan týǵan ótkir maqalalar kókeıkesti problemalarǵa arnaldy.
Aqyndar Mútallap Qanǵojın, Zeınolla Ákimjanov arnaý óleńderin oqysa, «Qyzyljar aqparat» JShS dırektory Káribaı Musyrman qalamgerlik jáne qaıratkerlik erekshe qyrlaryn sóz etti. Eńbek ardagerleri Ojan Qalı, Bolat Saǵyndyqov ótkendi eske oraltty. Osy joldardyń avtory tanymal azamattyń esimin este qaldyrý maqsatymen arnaıy sharalar uıymdastyrý jóninde usynystaryn ortaǵa saldy. Qojabergen jyraý atyndaǵy qazaq orta mektebiniń oqýshylary Mákeńniń «Alýa – meniń aıdynym» kitabynda jarııalanǵan óleńderin mánerlep oqydy. Ánshi Shynar Temirhanova marqumnyń súıikti ánderi – «Farıza» jáne «Qara baýyr qasqaldaqty» áýelete shyrqap berdi.
Mákeńniń ómiri men shyǵarmashylyǵyna qatysty taǵylymdy kezdesýler men mektepishilik oqý kúnderi týǵan jeri Esil aýdanynda da uıymdastyryldy.
О́mir ESQALI,
«Egemen Qazaqstan».
Soltústik Qazaqstan oblysy.
