Saıasat • 14 Qyrkúıek, 2021

Qazaq-nemis ortalyǵy ashyldy

58 ret kórsetildi

Nur-Sultan qalasynda Qazaq-nemis ortalyǵynyń saltanatty ashylý rásimi ótti. Elordada mundaı ortalyqty qurý týraly kelisimge Qazaqstan Prezıdenti Qasym-Jomart Toqaevtyń 2019 jylǵy jeltoqsandaǵy Germanııaǵa alǵashqy resmı sapary kezinde Berlınde qol qoıylǵan bolatyn.

Ortalyqtyń qyzmeti Qazaq­stan nemisteriniń etnıkalyq bi­re­geıligin, mádenıeti men ana ti­­lin saqtaýǵa baǵyttalady, son­daı-aq eki eldiń iskerlik qoǵam­das­­tyǵy úshin dıalog alańy bolady.

Ashylý rásiminde QHA Tóraǵasynyń orynbasary – Hatshylyq meńgerýshisi Marat Ázilhanov, Germanııanyń Federaldyq úkimetiniń qonys aýdarýshylar men az ulttar isteri jónindegi ýákili Bernd Fabrısıýs, Qazaqstan Par­la­menti Májilisiniń depýtaty, «Voz­rojdenıe» qazaqstandyq nemis­ter birlestigi qoǵamdyq qory­nyń Qamqorshylyq keńesiniń tór­aǵasy Albert Raý, AQDM etnos­aralyq qatynastardy damytý komıtetiniń tóraǵasy Ǵalym Shoıkın jáne basqalar qatysty.

Bernd Fabrısıýs astanada nemis ortalyǵyn ashýdyń mańyzdylyǵyn atap ótip, Germanııa úkimetiniń atynan Qazaqstan halqyna respýblıkada turatyn etnıkalyq nemisterge kómek kórsetkeni úshin alǵysyn bildirdi.

Ortalyqtyń ashylýynyń bastamashysy Albert Raý óz sózinde: «Bul jaı ortalyq nemese keńse ǵana emes – bul nemis mádenıeti men dástúrlerine qosylǵysy keletinderge toly irgeli úı bolady», dedi.

Ortalyqtyń ashylýy men qyzmetin qarjylandyrýdy Germanııa Úkimeti men jeke demeýshiler júzege asyrady.

 

«Egemen-aqparat»

 

Sońǵy jańalyqtar

Uqsas jańalyqtar