Prezıdent • 14 Qyrkúıek, 2021

Ikemdilik – jumys sapasyn arttyratyn faktor

30 ret kórsetildi

Prezıdent Qasym-Jomart Toqaevtyń Joldaýy maǵan unady. Máseleniń bárin memlekettik apparattan bastaǵany – qoıandy qulaǵynan ustaǵanmen birdeı bolyp kórindi. Memlekettik apparat jumysynyń tıimdiligi – el damýynyń negizgi kózi.

Prezıdent aıtqandaı, ol naǵyz iske asatyn, sapaly nátıje beretin, halyqqa túsinikti, naqty, ıkemdi jobalardy qarastyrýy kerek. Bizde osy kúnge deıin kóbinese mega jobalar qolǵa alynyp keldi, onyń ishinde áleýmettik máseleler de, jol da, qurylys ta – bári bar, adam osyndaı jobanyń naqty neni kózdeıtinin uqpaı qalady. Nátıje de naqty kórinbeıdi. Al naqty jobalar qolǵa alynsa onyń oryndalýyn halyq kózimen kórip otyrar edi.

Memlekettik qyzmetkerlerdiń 25 paıyzǵa qysqaratynyn estip júr­­miz. Bul másele búgingi Jol­daý­da da aıtyldy. Shynynda da bizde bir-birine kedergi keltiretin aı­­qysh-uıqysh sheneýnikter appara­ty qalyptasqan. Onyń jumysy jo­ǵa­rydan tómengi barlyq basqarý ap­pa­rat­tarynda kórinis beredi. О́z­derin qurǵan soń, eńbekaqy tólep jat­qan soń olardyń kóbi amalsyz bir áre­ket­terdi ózderine taýyp alady, óz­deri­niń nusqaýlyqtaryna súıenedi, sóı­tip atqarylǵaly turǵan durys dúnıe­lerdiń aıaǵyna tusaý bolady. Saıyp kelgende bul memleket­tik qyzmet jumysynyń sapasyn tómendetedi. 

Prezıdent tótenshe jaǵdaılar týǵanda osyndaı júıeniń kesirinen jedel sharalar qabyldaýdyń ózi qıyn bolǵanyn aıtty. Sondyqtan ol óziniń tikeleı Jarlyǵyn shyǵarýǵa máj­búr bolǵan. Sonymen birge she­­ne­ý­­nikterden halyqqa qyzmet kór­­setý sapasyn da únemi talap etip otyr­ǵ­an jón. Áıtpese, keıbir she­neý­nikter aldyna isi túsip kelgen adam­ǵa joǵarydan tómen qarap, áı­teýir qutylý úshin jalǵan sóz aıtýǵa daǵ­­­dy­lanyp qalǵan. Bul úshin ózine esh­­­qan­daı ja­ýapkershi­lik kel­meıti­nin biledi, al adam­ger­shilik qaty­nas­ty kerek qyl­maıdy. Mun­daıdyń birin kúni keshe ǵana óz basym­­nan ótker­dim. Bir anyq­­tama alý úshin bes esikti ashýǵa týra keldi. Al mundaı jaǵ­daı­lar she­neý­nikke ǵana emes, jalpy memle­kettik ap­pa­rat­qa degen adamnyń senimin joıady.

 

Qarshyǵa QOIаNBAEV,

zeınetker

 

PETROPAVL

 

Sońǵy jańalyqtar

Kabýlda jarylys boldy

Oqıǵa • Búgin, 17:08

Otandyq fılmderdiń úlesi artady

Qazaqstan • Búgin, 16:20

Almatyda baqylaý kúsheıtildi

Koronavırýs • Búgin, 14:08

Aqsha emes, abyroı qymbat

Boks • Búgin, 13:04

Kúrshim ózeni de lastana bastady

Ekologııa • Búgin, 12:38

Tiliksiz ota jasaldy

Medısına • Búgin, 12:20

Uqsas jańalyqtar