Uıymnyń bas hatshysy Antonıý Gýterrıshtyń aıtýynsha, búginde Aýǵanstandaǵy árbir úshinshi adam toıyp tamaq ishpeıdi. Aımaqtaǵy qýańshylyq jaǵdaıdy odan beter ýshyqtyryp tur. Eldegi saıası turaqsyzdyqtan ózge jerge bas saýǵalap qashqandardyń sany da artyp barady. Jenevada ótken konferensııada BUU bılik basyna kelgen tálipterdi gýmanıtarlyq uıymdardyń jumysyna kedergi jasamaýǵa shaqyrdy.
«Gýmanıtarlyq kómek Aýǵanstandaǵy máseleni sheshpeıdi. Qazir halyqtyń basym bóligi ashqursaq. Jurttyń qolynda aqsha joq. Shuǵyl kómek kórsetpesek aımaqta gýmanıtarlyq apat bolýy múmkin», deıdi BUU Bas hatshysy Antonıý Gýterrısh.
