Á.Áldeneı telearnanyń burynǵy basshysy Qurmanbek Jumaǵalıdyń atqarǵan jumysyn atap ótti. Telearna Q. Jumaǵalıdiń basshylyǵymen 2020-2021 jyldary elimizdiń jetekshi telearnalarynyń TOP-4-ine endi. Bıylǵy jyldyń segiz aıynyń qorytyndysy boıynsha telearnanyń ortasha úlesi jalpy telebaǵdarlamanyń 10%-yn quraıdy. Telearnanyń materıaldyq-tehnıkalyq bazasy jańartyldy.
«Nur Otan» partııasynyń qoldaýymen 2020-2021 jyldary Táýelsizdiktiń 30 jyldyǵyna oraı birqatar tabysty medıajobalardy iske asyrdy. Bul «Táýelsizdiktiń 7 qyry» fılmder toptamasy, «Byt pervym», «Bez prava na oshıbký», «О́mir-dastan» rolıkteri, «Iz pervyh ýst» ınteraktıvti baǵdarlamasy, «Qazaqstan» mýzykalyq klıpi. Telejobalarda Táýelsizdiktiń 30 jyly ishinde Qazaqstannyń qalyptasýyndaǵy Tuńǵysh Prezıdent – Elbasy Nursultan Ábishuly Nazarbaevtyń tarıhı rólin ashýǵa erekshe nazar aýdarylǵan.
Á. Áldeneı «Astana» telearnasynyń jańa basshysy Ázızhan Ábildınovti tanystyra otyryp, onyń 2017 jyldan bastap «Nur Media» holdınginde BAQ máselelerimen aınalysqanyn atap ótti. Sonymen qatar QR Prezıdenti Ákimshiliginde, ortalyq jáne jergilikti memlekettik organdarda jumys istegenin aıtty. Onyń tikeleı qatysýymen «Nur Media» holdınginde birqatar ınternet jobalar quryldy.
«Nur Otan» partııasynyń hatshysy qazirgi tańda «ASTANA» telearnasyna mańyzdy mindetter qoıylyp otyrǵanyn aıtty. Telearnanyń joǵary reıtingin, qarjylyq kórsetkishterin jáne tabystylyǵyn saqtap qalý qajet. «Nur Otan» partııasynyń jáne memlekettik saıasattyń basymdy baǵyttaryn tıimdi nasıhattaýdy qamtamasyz etý. Telearnanyń jańalyqtary ózekti jáne halyqtyń shynaıy problemalaryn kórsetýi kerek. Munyń bári jańa basshynyń menedjementtik tıimdiliginiń kórsetkishi bolmaq.
