«Statıstıkany jasyrasyzdar ma, eshkim PTR tapsyrmaı ma, álde jumys durys jolǵa qoıylǵandyqtan eshkim aýrý juqtyrmaı ma?» degen suraqqa basqarma basshysy bul másele barshany, onyń ishinde Densaýlyq saqtaý mınıstrin de qyzyqtyratynyn aıtyp ótti.
«Birinshiden, óńirde vaksınalaýmen qamtý kórsetkishi óte joǵary. Ekinshiden, eshkim eshteńeni jasyrmaıdy. Birqatar komıssııalar, túrli tekserýler boldy, eshkimniń jasyrmaıtyny dáleldendi. Bizdiń artyqshylyǵymyz, oblys – halyq tyǵyz ornalasqan aımaq, biraq qaladaǵydaı emes, adamdar aýyldyq jerlerde turady. Sondaı-aq barlyq sanıtarlyq normalar saqtalady, bas sanıtarlyq dárigerdiń buıryǵy oryndalady. Bul máselemen oblys ákiminiń ózi aınalysady, shtabta jaǵdaı týraly únemi baıandap otyramyz, ákim mobıldi toptardyń jumysyn da ózi baqylaıdy. О́ńirde kún saıyn 3-4 myń test jasalady. Sany jaǵynan biz respýblıka boıynsha kóshbasshylar qataryndamyz, biraq PTR jaı jasaı bermeımiz. Tek kórsetkishter, belgiler bolsa ǵana jasaımyz», dep túsindirdi basqarma basshysy.
Vaksınalaý bastalǵan aqpan aıynda óńirde 100 egý pýnkti bolǵan, qazirgi kezde olardyń sany – 148. M.Pashımovtiń aıtýyna qaraǵanda, búginde oblys elimizde vaksınalaý kórsetkishi boıynsha 1-orynda. О́ńirde 10 qyrkúıektegi málimet boıynsha, indetke qarsy egýge jatatyn 937 myń adamnyń 816 myńy, ıaǵnı 84,4%-y 1-komponent alǵan. Al 2-komponentpen 629 102 adam egildi. Pandemııa bastalǵannan beri COVID-19 indetimen tirkelgen jaǵdaılar sany búgingi tańda 13 420 bolyp otyr. Onyń 94,7%-y, ıaǵnı 12 515 naýqas jazylyp shyqqan. Qaıtys bolǵandar sany – 70. Búginde 718 adam em qabyldaýda, onyń 151-i koronavırýstan, 567-si pnevmonııadan emdelýde. Koronavırýs ınfeksııasynyń túrli ssenarııine baılanysty ınfeksııalyq tósektik oryn sanyn 5700-ge deıin ulǵaıtýǵa múmkindik bar. Sonymen qatar basqarma basshysy byltyr jalpy transfert esebinen 2,5 mlrd qarjy bólinip, 205 dana medısınalyq tehnıka satyp alynǵanyn aıtyp ótti. Bıyl anestezıologııa jáne reanımasııa bólimshelerin jaraqtandyrý maqsatynda 394 birlik jáne ana men bala bólimine 91 birlik medısınalyq tehnıka satyp alynǵan. Byltyr oblys bıýdjetinen qalalar men aýyldyq jerlerdegi densaýlyq saqtaý nysandaryn kúrdeli jóndeýge 809,5 mln teńge bólingen.
О́ńirde jyl basynan 9 qyrkúıekke deıin koronavırýs ınfeksııasynyń – 9 745, al vırýsty pnevmonııanyń 5 881 jaǵdaıy tirkelgen. Koronavırýs ınfeksııasynyń 6 526 oshaǵy anyqtalyp, qarym-qatynasta bolǵan 23 801 adam medısınalyq baqylaýǵa alynǵan. Indet juqtyrýdyń joǵary deńgeıi basqa aılarmen salystyrǵanda shilde (2 868), tamyz (3 047) aılarynda kóbirek oryn aldy. Degenmen oblysta sońǵy eki aptada koronavırýs ınfeksııasyna shaldyǵý kórsetkishi 437-ge, 36%, vırýsty pnevmonııa 43%-ǵa tómendegen.
Brıfıngte, sondaı-aq Túrkistan oblysynyń sanıtarııalyq-epıdemıologııalyq baqylaý departamentiniń basshysy Nurbek Nyshanov óńirde ázirge eshqandaı mektep karantınge alynbaǵanyn aıtty.
«Oblys boıynsha 1-9 qyrkúıek aralyǵynda mektep oqýshylary arasynda koronavırýs juqtyrýdyń 68 jaǵdaıy, mektep-ınternat ujymynyń arasynda – 2, muǵalimder arasynda – 16, balabaqsha tárbıelenýshileriniń – 2, balabaqsha tárbıeshileriniń arasynda – 2, kolledj stýdentteriniń ishinde – 2, JOO-da jáne basqa qyzmetkerlerdiń arasynda 10 jaǵdaı tirkeldi», dedi bas sanıtar.
Degenmen atalǵan jaǵdaılardyń mektep prosesine eshqandaı qatysy joq. Iаǵnı aýrý juqtyrý prosesi oqýǵa deıin bolǵan. Karantın ázirge eshqandaı mektepke qoıylmaǵan. Tek bir mekteptiń 4 synybyn onlaın oqytý týraly qaýly qabyldanypty. О́ńirde jalpy 131 mobıldi top karantın rejimi talaptarynyń saqtalýy boıynsha monıtorıng júrgizedi. Anyqtalǵan buzýshylyqtar boıynsha 4 199 hattama toltyrylyp, 4 017 jeke tulǵaǵa, 148 jeke kásipkerge, 7 zańdy tulǵaǵa, 27 laýazymdy tulǵaǵa jalpy somasy 238 mln teńge aıyppul salynǵan. Karantın talaptaryn buzýshylyqtardyń ishinde basym bóligi – tyıym salynǵan merekelik is-sharalar. Jyl basynan beri 821 toı anyqtalǵan. «О́kinishke qaraı, oblysta keıbir meıramhanalarda birneshe ret toı ótkizý faktileri anyqtaldy. Máselen, bir toıhanada 2 retten 9 retke deıin toı uıymdastyrýǵa jol berilgen», dedi N.Nyshanov. Búginde óńirde 8 468 nysan Ashyq baǵdarlamasyn engizgen. Onyń 28-i kóshbasshy mártebesine ıe. Qosymsha 8488 kásipkerden baǵdarlamaǵa qatysýǵa ótinish berilgen.
