«Meniń ekologııa, geologııa jáne tabıǵı resýrstar mınıstrligindegi jumysym aıaqtaldy. Otanymyzdyń naǵyz kásibı mamandarymen jáne patrıottarymen jumys isteý men úshin úlken mártebe boldy. Barshańyzǵa tabys pen alǵa qoıǵan maqsattaryńyzǵa jetýdi tileımin!», dep jazdy ol Twitter-degi paraqshasynda.
Myrzaǵalıev mınıstrlik qyzmet jolynda qol jetkizgen jetistikterin atap ótti.
«Orman jáne janýarlar álemin, ulttyq parkterdi damyta bastadyq, eko-týrızmdi jeke ınvestısııalar úshin tartymdy salaǵa aınaldyrdyq. Orman qoryn ulǵaıtý baǵdarlamasyn iske qostyq, aǵashtardy zańsyz kesý jáne brakonerlik úshin jazany qatańdatýǵa qol jetkizdik. Balyq sharýashylyǵynyń áleýetin ashyp, balyq óndirisin 2,5 esege arttyrdyq», dep túıindedi ol.
