Medısına • 15 Qyrkúıek, 2021

Búgin emhanaǵa tirkelý bastaldy

90 ret kórsetildi

15 qyrkúıekten bastap Qazaqstanda medısınalyq-sanıtarııalyq alǵashqy kómekti erkin tańdaý naýqany bastaldy. Ol eki aıdyń kóleminde 15 qarashaǵa deıin jalǵasady, dep habarlaıdy Egemen.kz.

2021 jyldyń 1 qyrkúıegine deıingi ýaqytta MSAK uıymdaryna 19,4 mln adam ǵana tirkelgen. Onyń ishinde qala halqynyń sany 11,6 mln adam bolsa, aýyldyq jerlerde – 7,9 mln adam tirkelgen. 2020 jylǵy tirkeý naýqanynyń qorytyndysyn qaraıtyn bolsaq, MSAK uıymyn erkin tańdaý qyzmetin 134,4 myń adam paıdalanǵan.

Onyń ishinde sheteldik azamattar – 1037 adam, onyń 1010-y – basqa elderdiń azamattary, qandastarymyz – 27. Qazirgi ýaqytta qyzmet alyp jatqan medısınalyq uıym jumysy qanaǵattandyrmaǵan jaǵdaıda, emhanany erkin tańdaý arqyly tirkelýi úshin atalmysh aksııa turǵyndar úshin jyl saıyn ótkiziledi, al naryq qatysýshylary, onyń ishinde jańadan qosylǵan uıymdar kelesi jyly halyqqa qyzmet kórsetý maqsatynda tapsyrys alady.

Bıyl qor 615 ónim berýshimen shart jasasty: onyń ishinde 357-si - memlekettik jáne 258-i - jekemenshik uıymdar. Atalǵan uıymdardyń bári densaýlyq saqtaý sýbektileriniń derekter bazasynda tirkelgen.

Tirkeý naýqany jáne emhanany erkin tańdaý múmkindigi qazaqstandyqtar úshin konsýltasııalyq-dıagnostıkalyq qyzmetterge, aýrýhanaǵa jatyp emdelýge, kez kelgen josparly medısınalyq qyzmetterdiń kórsetilýine jáne kóptegen basqa da medısınalyq joldamalardy qosa alǵanda densaýlyq saqtaý júıesinde medısınalyq kómek alýǵa quqyq beredi.

Eger azamattar emhanany erkin tańdaý quqyǵyn paıdalanbaǵan bolsa, olar ózderine buryn qyzmet kórsetilgen MSAK uıymyna bekitilgen bolyp qalady. MSAK uıymyna úsh tásil arqyly tirkelýge bolady: tikeleı tańdalǵan medısınalyq uıymǵa júginý arqyly, elektrondyq úkimet portaly arqyly onlaın túrde nemese halyqqa qyzmet kórsetý ortalyqtarynda ótinish berý arqyly.

Qazaqstan halqyna TMKKK sheńberinde medısınalyq kómek kórsetý úshin turaqty nemese ýaqytsha turatyn jeri boıynsha MSAK uıymyna bekitý úshin kórsetiletin «Medısınalyq-sanıtarııalyq alǵashqy kómek kórsetetin medısınalyq uıymǵa bekitý» memlekettik qyzmeti iske qosyldy. MSAK uıymy jeke tulǵalarǵa óz betinshe nemese «Elektrondyq úkimet» veb-portaly arqyly júgingen kezde memlekettik qyzmetti usynady.

MSAK uıymyna júgingen ýaqytta azamattyń ózimen birge jeke basyn kýálandyratyn qujaty bolýy qajet jáne sol jerde bas dárigerdiń atyna ótinish jazýy tıis. Bekitilýshi egov.kz. portaly arqyly tirkelgen kezde avtorızasııadan ótip, elektrondyq ótinimdi toltyrý qajet. Qyzmet kórsetýdiń nátıjesi ótinish berýshiniń jeke kabınetine jiberiledi.

Halyqqa qyzmet kórsetý ortalyqtaryna toqtalatyn bolsaq, onda tirkeý rásimin ózine-ózi qyzmet kórsetý pýnktinde «Connection Points» arqyly elektrondyq formatta júzege asyrýǵa bolady. Azamattardyń keıbir jekelegen sanattary tikeleı emhanaǵa bekitile alady. Ol úshin erkin nysandaǵy ótinish pen jeke basty kýálandyratyn qujatty qosa berý qajet.

Atalmysh sanattarǵa zeınetkerler, múgedekter, bala kezinen múgedek jandarǵa zań boıynsha taǵaıyndalǵan qorǵanshylar nemese qamqorshylar, sondaı-aq patronat tárbıeshiler; jazasyn kolonııalarda (óteý orny boıynsha) ótep júrgen sottalǵandar, stýdentter, merzimdi qyzmettegi áskerı qyzmetshiler, shet memleketterde týǵan balalar, bekitýdi senimhat boıynsha resimdeıtin adamdar jatady.

Tirkeý naýqany - emhanany aýystyrýdyń jalǵyz múmkindigi emes. Bul rásimdi jylyna bir ret erkin tańdaý quqyǵymen jasaýǵa bolady, sondaı-aq eger adam turaqty nemese ýaqytsha turatyn jerin, jumys nemese oqý ornyn aýystyrǵan jaǵdaıda, basqa eldi mekenge kóshken bolsa nemese ol turǵan emhana qaıta uıymdastyrylsa, joıylsa jáne basqa da jaǵdaılarda emhenany aýystyrýǵa quqyly.

Jyl saıynǵy bekitý naýqanyn ótkizýge baqylaý men jaýapkershilik aýmaqtyq densaýlyq saqtaý basqarmalaryna júktelgendigin atap ótken jón, eger medısınalyq uıymnyń ózi azamattardyń kóńilderinen shyǵatyndaı etip jaýap bere almaǵan jáne sheshim shyǵara almaǵan jaǵdaıda, tirkelýshiler kókeılerindegi suraqtaryn, shaǵymdary men usynystaryn aýmaqtyq densaýlyq saqtaý basqarmalaryna joldaýǵa bolady.

Málimet úshin aıta ketetin bolsaq, tirkelýge bolatyn barlyq emhanalardyń tizimin Áleýmettik medısınalyq saqtandyrý qorynyń www.fms.kz saıtynan «Klınıkany tańdaý» bóliminde alýǵa bolady.

Eger sizde medısınalyq qyzmetterdi alýǵa baılanysty suraqtar týyndaǵan jaǵdaıda, ótinishti qordyń resmı keri baılanys arnalary - 1406 baılanys ortalyǵy, «Qoldau 24/7» mobıldi qosymshasy, qordyń www.fms.kz saıty, Telegram-daǵy Saqtandyry-bot arqyly qaldyrýyńyzdy suraımyz.

Sońǵy jańalyqtar

Shıraz bulbuly

Ádebıet • Búgin, 22:05

Ata jurtta

Ádebıet • Búgin, 22:03

Oqý men oqymaý hám talǵam

Ádebıet • Búgin, 22:01

Mal basy ósse, olja kóbeıedi

Aımaqtar • Búgin, 21:57

Abaı oblysynyń aty ozdy

Aımaqtar • Búgin, 21:54

Saq dáýiriniń eskertkishi

Tanym • Búgin, 21:53

Portretin kúrishten jasaǵan

О́ner • Búgin, 21:51

Bes óńirde daýyldy eskertý jarııalandy

Aýa raıy • Búgin, 21:30

Erlan Qııasov jańa qyzmetke taǵaıyndaldy

Taǵaıyndaý • Búgin, 20:10

Tamyz aıyndaǵy UBT aıaqtaldy

Bilim • Búgin, 19:53

Baqyt Sultanov qyzmetinen bosatyldy

Qazaqstan • Búgin, 18:00

Dollar arzandady

Ekonomıka • Búgin, 16:42

Uqsas jańalyqtar