Jýyrda elordada Bilim jáne ǵylym qyzmetkerleri kásipodaqtary keńesiniń keńeıtilgen otyrysy ótti. Oǵan Bilim jáne ǵylym mınıstri Aslan Sárinjipov, Bilim jáne ǵylym qyzmetkerleri kásipodaǵynyń tóraıymy Maıra Amantaeva, sonymen qatar, Bilim jáne ǵylym mınıstrligi departamentiniń dırektorlary men óńirlik kásipodaq komıtetiniń basshylary qatysty. Jıyndaǵy negizgi baıandamany Bilim jáne ǵylym qyzmetkerleri kásipodaǵynyń tóraıymy M.Amantaeva jasady.
Jýyrda elordada Bilim jáne ǵylym qyzmetkerleri kásipodaqtary keńesiniń keńeıtilgen otyrysy ótti. Oǵan Bilim jáne ǵylym mınıstri Aslan Sárinjipov, Bilim jáne ǵylym qyzmetkerleri kásipodaǵynyń tóraıymy Maıra Amantaeva, sonymen qatar, Bilim jáne ǵylym mınıstrligi departamentiniń dırektorlary men óńirlik kásipodaq komıtetiniń basshylary qatysty. Jıyndaǵy negizgi baıandamany Bilim jáne ǵylym qyzmetkerleri kásipodaǵynyń tóraıymy M.Amantaeva jasady.
Basqosýda Elbasy N.Á.Nazarbaevtyń «Qazaqstan joly – 2050: bir maqsat, bir múdde, bir bolashaq» atty el halqyna arnaǵan Joldaýynda kórsetilgen tapsyrmalardy júzege asyrýdaǵy kásipodaqtar qyzmeti týraly, sondaı-aq, bilim jáne ǵylym qyzmetkerleriniń búgingi jaǵdaıy men olardyń áleýmettik áleýetiniń deńgeıi syndy mańyzdy máselelerge den qoıyldy.
Elbasy N.Á.Nazarbaevtyń «Qazaqstan-2050» Strategııalyq baǵdarlamasyn júzege asyrýda kásipodaqtar men onyń qurylymdyq bólimsheleri júıeli jumystar jasaýda. Bizdiń kásipodaqtar qyzmetiniń basym baǵyty – eńbekaqy júıesin jetildirý jáne onyń deńgeıin ortasha respýblıkalyq kórsetkishke jetkizý. Búgingi tańda bilim berý mekemeleri 9588 ujymdyq shart jasasqan. Kelisimsharttaǵy mindetterdi oryndaý men ekijaqty kelisimdi jolǵa qoıý ýaqtyly eńbekaqynyń tólenýi, zańdy demalysqa shyǵý, jyl saıynǵy medısınalyq tekserý men oqý júktemesi sekildi ózge de máselelerdiń sheshilýin qamtamasyz etedi», deıdi Bilim jáne ǵylym qyzmetkerleri kásipodaǵynyń tóraıymy Maıra Amantaeva. Sonymen qatar, ol bilim jáne ǵylym qyzmetkerleriniń qoǵam aldyndaǵy bedelin barynsha arttyrýda kásipodaqtar júıeli jumystar jasaı beretinin jáne eldegi qabyldanǵan barlyq strategııalyq mańyzdy qujattar urpaq bolashaǵyna qyzmet etetinin de nazardan tys qaldyrmady.
Al ol úshin Elbasy Joldaýynda kórsetilgen tapsyrmalarǵa asqan jaýapkershilik tanytyp, onyń óz jemisin berýine barshamyz atsalysýymyz qajet degendi de tilge tıek etti.
Ábdirahman QYDYRBEK,
«Egemen Qazaqstan».
