Salamatty ómir saltyn ustanatyn jarasymdy juptyń sporttyq básekede jetken jetistikteri de maqtaýǵa turarlyq. Endeshe, Táýelsizdiktiń 30 jyldyǵy qarsańynda Almaty oblystyq otbasylyq saıystarda aýdannyń abyroıyn arttyryp, sporttyq salanyń jandanýyna úles qosyp júrgen, kópbalaly ata-ana atanǵan Talǵat pen Mádına jaıly áńgime órbitsek dep edik.
Úıdiń otaǵasy Talǵat Laýbaev ta, otanasy Mádına Álibekova da – mektep qabyrǵasynan sportty janyna serik etip, talaı jetistikke jetken jandar. Táýelsizdiktiń tól qurdastary – Jetisý jeriniń týmalary. Talǵat Túgelbaıuly 6 synyptan bastap bokspen aınalysqan. Taldyqorǵandaǵy oblystyq sport mektep-ınternatyn bitirgen soń, Almaty qalasyndaǵy Sport jáne týrızm akademııasyn aıaqtaǵan. Al Mádına Razbekqyzy 5 synyp oqyp júrgende kúrestiń ishinen sambony tańdaǵan. Názik jandy sportshy Almatydaǵy K.Ahmetov atyndaǵy respýblıkalyq sport mektebin aıaqtap, Ál-Farabı atyndaǵy Qazaq ulttyq ýnıversıtetinde «Deneshynyqtyrý jáne sportshy» mamandyǵyn támamdaǵan.
Jarasymdy juptyń ómirlik jolǵa qadam basyp, shańyraq kóterýine sebepshi bolǵan da osy sport. Onyń ústine ekeýin jaqsy biletin dos-jarandarynyń da yqpaly boldy desek, artyq aıtqandyq emes. О́ıtkeni samboshy Mádınanyń bozkilemde kúresip júrgen qurbylary Talǵattyń synyptastary eken. Osylaısha, sportqa degen ekeýiniń qyzyǵýshylyǵy men ortaq dostary arqyly eki jas 2013 jyly otbasyn qurǵan. Búginde qos sportshy eki ul men eki qyzǵa úlgili ata-ana atanyp, 29 jastarynda kópbalaly otbasy atandy.
Táýelsizdik qurdastarynyń ózderi qalap tańdaǵan sport túrlerinen aýyz toltyryp aıtarlyqtaı jaqsy nátıje kórsetkenin aıta ketý kerek. Boksty erkin meńgergen Talǵat respýblıkalyq týrnırlerdiń birneshe márte chempıony, talaı jarystarda júldeger atanǵan. Al Mádına sambo kúresi boıynsha 7 dúrkin el chempıony atansa, baıraqty básekelerden de bıikten kóringen. Máselen, Azııa oıyndarynda júldeli I oryn alsa, álem chempıonattarynda eki ret qolda júldeger atanǵan. Sonymen qatar Eýrazııa týrnırine qatysyp, II oryndy da ıelengen.
Sportshy erli-zaıyptynyń osyndaı jemisti jetistikteri tájirıbe retinde búgingi tańda ózderiniń bapkerlik mindetterine úlken kómegin tıgizýde. Olar qazirgi ýaqytta Almaty oblysynyń, Qarasaı aýdanynda ornalasqan «Úshqońyr» sport mektebinde jattyqtyrýshy retinde qyzmet etýde.
Talǵattyń bapkerlik sheberligi talaı jyldar boıy bokspen aınalysqan, atalǵan ortalyqtyń basshysy Dáýren Tólegenniń byltyr Almaty oblystyq chempıonatta júldeli I oryn alýyna sebin tıgizdi. Bul da sport mektebiniń jemisti jetistikteriniń biri desek bolady. Osylaısha, erli-zaıypty bapkerler sport mektebinde jemisti eńbek etip, shákirtterin shyńdap, túrli jarysqa jas qarasaılyqtardy baptap keledi.
Laýbaevtardyń otbasylyq jarystardan da jaqsy nátıje kórsetkenin aıta ketken jón. Olar 2020 jyly «Jas otbasy» saıysynyń aýdandyq irikteýinen súrinbeı ótip, Taldyqorǵan qalasynda ótken oblystyq baıqaýda júldeli I orynǵa ıe bolyp, Qarasaı aýdanynyń atyn Jetisý jerine tanytyp, úlgili otbasylardyń birine aınaldy.
Ul-qyzdary da sporttan quralaqan emes. Analarynyń aıtýynsha, olar balabaqshadaǵy jáne mekteptegi jarystardan qalmaı, jaqsy nátıje kórsetip keledi. Sportshy ata-ananyń endigi armany – balalaryna jaqsy tárbıe berip, ózderi jetpegen jetistikke jetkizý. Sonymen qatar urpaqtarynyń Olımpıada chempıony atansa degen tilegi de bar.
Otbasylyq qundylyqty nasıhattap, sporttyq salany jandandyryp júrgen Laýbaevtar otbasy, mine, osyndaı. Táýelsizdiktiń qurdastary kópbalaly ata-ana retinde de kópke úlgi dep bilemiz. О́negeli ómirleri jaqsy jaǵynan jalǵasyp, ul-qyzdarynyń jetistikteri eselenip, eldiń eńsesin bıik etetin shákirtteri kóbeıe bersin.
Dıdar MÁLIKULY
Almaty oblysy,
Qarasaı aýdany
