«Uıymnyń bas hatshysy Stanıslav Zas Dýshanbedegi sammıtke qatysýshylar Aýǵanstanda beıbitshilik ornatý boıynsha BUU-ǵa kómektesý týraly sheshimin qoldaıtynyn jetkizdi. Ol shekarada jaǵdaı ýshyqqan jaǵdaıda UQShU kómekke keledi dep atap ótti», dep jazady Ortalyq Azııa jańalyqtar qyzmeti.
Reseıdiń syrtqy ister mınıstri Sergeı Lavrov Máskeý táliptermen baılanysyp otyrǵanyn, birinshi kezekte olarmen kórshi elderge shabýyl jasamaý jóninde kelisim júrip jatqanyn jetkizdi.
«Reseı tálipterge ázirge eshqandaı talap qoımady. Biz olardyń ýádelerin qalaı oryndaıtynyn baqylap otyrmyz. Tálipter óz maqsattaryn aıtty. «Terrorızmge, esirtki tasymalyna qarsy kúresemiz, Aýǵanstan aýmaǵyndaǵy kórshi elderge eshqandaı shabýyl jasamaımyz» dep ýáde berdi», deıdi Lavrov.
Al sarapshylar UQShU-ny Aýǵanstandaǵy jaǵdaıǵa baılanysty áreketsizdigin synap jatyr. Olar uıymǵa múshe elderden naqty is-áreket, boljam, taldaý kútkenin aıtady. «Búgingi kúni UQShU-ǵa múshe elderde Aýǵanstanǵa qatysty naqty ustanym joq», deıdi tájikstandyq sarapshy Osım Bekmýhammad.
1992 jyly qurylǵan Ujymdyq qaýipsizdik shart uıymyna Armenııa, Belarýs, Qazaqstan, Qyrǵyzstan, Reseı jáne Tájikstan kiredi.
