UQK baspasóz qyzmetiniń málimeti boıynsha, departament qyzmetkerleri turǵyn úıden jalǵan qujattar (026/ý nysanyna sáıkes dıagnoz ben emdelý merzimin rastaý úshin aýmaqtyq ambýlatorııalyq-emhanalyq uıymnyń dárigerlik-konsýltasııalyq komıssııasynyń qorytyndylary, shetel medısınalyq uıymdarynan emdelýge shaqyrý hattar, PSR-testiler) jasaıtyn «jasyryn» seh ashqany anyqtalǵan. Olardy koronovırýs pandemııasyna baılanysty karantın shekteýler qoldanylǵan kezeńde Reseı Federasııasymen memlekettik shekarany kedergisiz kesip ótý úshin Qazaqstan Respýblıkasynyń azamattaryna satqan.
Júrgizilgen tintýler barysynda qazaqstandyq jáne reseılik medısınalyq uıymdardyń mórleri, oblystyń klınıkalyq-dıagnostıkalyq zerthanasy men emhanasynyń PTR-testileriniń qorytyndylary alyndy.
Osy derek jóninde QR QK-nyń 394-baby 2-bóligi «Adamdar toby aldyn ala sóz baılasyp jasaǵan zańsyz kóshi-qon» deregi boıynsha sotaldy tergeý júrgizilip jatyr.
