Bilim • 16 Qyrkúıek, 2021

Mektep pen JOO máselelerine arnalǵan jedel jeli iske qosylady

54 ret kórsetildi

QR BǴM Bilim jáne ǵylym salasynda sapany qamtamasyz etý komıteti azamattardyń ótinishteri úshin jedel jeli telefondaryn iske qosyp jatyr, dep jazady Egemen.kz.

Qyrkúıek aıynda 3,6 mıllıon oqýshy, 400 myńǵa jýyq muǵalim, 600 myńǵa jýyq stýdent jáne 35 myńnan astam oqytýshy úshin jańa oqý jyly bastalǵandyqtan, osy kezeńde bilim berý salasyna qatysty máseleler asa ózekti bolyp tabylady. Jedel jeli telefondary el azamattarynyń Komıtet pen aýmaqtyq departamentterdiń qyzmetkerlerine túrli problemalar týraly habarlaýy úshin jumys isteıtin bolady. 

Bul muǵalimderdi ózine tán emes fýnksııalarǵa tartý, mektep dárethanalary, beınebaqylaý kameralary, dabyl batyrmalary, qaýipsizdik júıesiniń basqa elementteri, jataqhanalarǵa qatysty jáne t.b. máseleler bolýy múmkin.

Sondaı-aq ata-analar, muǵalimder jáne bul máselelerge beı-jaı qaramaıtyn adamdar WhatsApp mobıldi qosymshasy arqyly 8-705-206-59-32 nómirine qaýipsizdik júıeleriniń, mektep dárethanalarynyń, jataqhanalardaǵy jaǵdaılardyń talaptarǵa sáıkessizdigi týraly foto jáne beınematerıaldardy jibere alady. Mektepterge qatysty máseleler jergilikti atqarýshy organdarǵa beriletin bolady, óıtkeni qarjylandyrý fýnksııalary, qurylys, jóndeý jumystary, qajetti jaǵdaılar jasaý, onyń ishinde sanıtarlyq máseleler ákimdikterdiń quzyrynda.  Sonymen qatar osy ótinishterdiń barlyǵy problemalar túpkilikti joıylǵanǵa deıin Komıtettiń jáne onyń aýmaqtyq departamentteriniń baqylaýynda bolady.

 «Qazirgi ýaqytta adamdardyń basym bóligi fotosýret pen vıdeo túsirýge arnalǵan fýnksııalary bar smartfondardy paıdalanady. Balalar úshin oqý prosesiniń yńǵaıly jáne qaýipsiz bolýyn qalap, bul máselege nemquraıly qaramaıtyn azamattar qazirdiń ózinde túrli buzýshylyq týraly habardar etip, fotosýretter men beınematerıaldar jarııalap jatady. Biz azamattardyń ótinishterin baqylaýǵa alyp, balalardyń qaýipsizdigin qamtamasyz etý máselelerindegi belsendiligi úshin olarǵa alǵys aıtamyz. Eger basqa da azamattar osylaı jasap, belgilengen talaptarǵa sáıkes kelmeıtin faktiler týraly bizge habarlasa, biz bul máseleni ákimdikterdiń qaraýyna jiberip, másele tolyq sheshilgenge deıin óz baqylaýymyzda ustaımyz. О́ıtkeni beınekameralarmen qamtý nemese mektepterdegi sanıtarlyq toraptarǵa qatysty máselelerdi sheshý ákimdikterdiń quzyrynda», dedi Bilim jáne ǵylym salasynda sapany qamtamasyz etý komıtetiniń tóraıymy Gúlzat Kóbenova.

Esterińizge sala keteıik, osy oqý jylynyń basynan beri QR BǴM Bilim jáne ǵylym salasynda sapany qamtamasyz etý komıtetine azamattardan 70-ke jýyq ótinish kelip tústi. Komıtettiń qaraýynan jáne aralasýynan keıin barlyq ótinish boıynsha tıisti sharalar qabyldandy.

Buǵan deıin QR Bilim jáne ǵylym mınıstrligi mektepterge baılanysty tapsyrmalardy oryndamaǵan tulǵalarǵa qatysty sharalar qabyldaý úshin birqatar óńirdiń ákimdikterine hat joldaǵan bolatyn. Másele dárethanalarmen, beınebaqylaý kameralarymen, dabyl batyrmalarymen jáne qaýipsizdik júıeleriniń basqa elementterimen baılanysty suraqtardy sheshý týraly bolyp otyr. 
1

Sońǵy jańalyqtar

Instagram balalar qaýipsizdigin kúsheıtedi

Mýltımedıa • Búgin, 17:32

Bapker: Konor jekpe-jekti saǵynyp júr

Jekpe-jek • Búgin, 15:53

Aqyly joldarda qandaı jeńildikter bar?

Aımaqtar • Búgin, 15:22

Jańa salmaq jańa múmkindik pe?

Boks • Búgin, 12:07

Uqsas jańalyqtar