ANTIKOR • 16 Qyrkúıek, 2021

Qazaqstanda jemqorlyqqa qarsy is-qımyl kúsheıtildi

73 ret kórsetildi

QR Sybaılas jemqorlyqqa qarsy is-qımyl agenttigi men QR Qarjy monıtorıngi agenttigi arasynda yntymaqtastyq týraly Memorandým jasaldy, dep jazady Egemen.kz.

Qol qoıý rásimi barysynda sybaılas jemqorlyqqa qarsy qyzmettiń basshysy M.Ahmetjanov memorandýmnyń Memleket basshysynyń qylmystyq jolmen tabylǵan aktıvterdi izdeýge qatysty tikeleı tapsyrmasy – follow the money qaǵıdaty aıasynda ázirlengenin atap ótti.

Vedomstvo basshysynyń aıtýynsha, eki jaqty birlesken áreketter laýazymdy tulǵalar tarapynan sybaılas jemqorlyq pen kóleńkeli bıznestiń joly kesilýine yqpal etedi. Birlesken qujat organdardyń aldyna qoıylǵan mindetterdi oryndaý boıynsha tyǵyz ózara is-qımyl jasaıtyn platforma bolady dep kútilýde.

M.Ahmetjanovtyń pikirinshe, memorandým eki memlekettik organnyń sybaılas jemqorlyqqa jáne kóleńkeli ekonomıkaǵa qarsy is-qımyl salasyndaǵy memlekettik saıasatty iske asyrýdaǵy ózara áreket, sondaı-aq sybaılas jemqorlyq pen ekonomıkalyq quqyq buzýshylyqtardyń aldyn alýǵa, anyqtaýǵa, jolyn kesýge, ashýǵa jáne tergep-tekserýde oń nátıje bermek.

Memorandým aıasynda sybaılas jemqorlyqqa jáne kóleńkeli ekonomıkaǵa qarsy birlesken is-sharalar, aldyn alýlar júrgizilmek. Eki memlekettik organ jumys tájirıbesimen jáne qylmystyń jaı-kúıi, sybaılas jemqorlyq jáne ekonomıkalyq qylmystardy ashý jáne tergeý ádisteri men tásilderi týraly aqparat almasyp otyrady.

 

Sońǵy jańalyqtar

Vaksına saldyrǵandar sany artty

Koronavırýs • Keshe

905 adamnan koronavırýs anyqtaldy

Koronavırýs • Keshe

Uqsas jańalyqtar