Qala ákimi Murat Áıtenov Memleket basshysy jazǵy Olımpıada oıyndarynda júldeger bolǵan qazaqstandyq sportshylardyń eńbegin erekshe baǵalap, memlekettik nagrada taǵaıyndaǵanyn atap ótti.
Tórt jyldyqtyń basty básekesinde el úmitin aqtaǵan Darhan Asádilov pen Sofıa Berýlseva «Qurmet» ordenimen marapattalǵan. Memlekettik nagradany QR Prezıdenti Qasym-Jomart Toqaevtyń atynan QR Memlekettik hatshysy Qyrymbek Kósherbaev tabystaǵan bolatyn.
Murat Áıtenov olımpıadashylardyń jetistikteri arqyly karate sportynyń qalada damý deńgeıin atap, osy eńbekteri úshin qala turǵyndary atynan alǵys bildirdi.
Kezdesý barysynda sportshylarǵa turǵyn úı qorynan «Nursat» shaǵyn aýdanynan 1 bólmeli páter kiltteri tabystaldy.
Karate sporty Olımpıada oıyndaryna tuńǵysh ret engizilgen edi. Darhan men Sofıa – karate tarıhynda Qazaqstannan shyqqan tuńǵysh Olımpıada júldegeri.
