Oqıǵa • 17 Qyrkúıek, 2021

Ekibastuzda kisi óltirgen zeınetker sottaldy

94 ret kórsetildi

Ekibastuzda ótip bara jatqan adamdardyń kózinshe ózgege oq atqan adam sottaldy. Oǵan QR Qylmystyq kodeksiniń eki baby boıynsha aıyp taǵyldy, dep habarlaıdy Egemen.kz.

65 jastaǵy zeınetkerge 287-bap, ıaǵnı «Qarýdy, oq-dárilerdi, jarylǵysh zattar men jarylǵysh qurylǵylardy zańsyz satyp alý, berý, satý, saqtaý, tasymaldaý nemese alyp júrý», sondaı-aq 99-bap, ıaǵnı «Kisi óltirý» boıynsha aıyp taǵyldy.

Eske sala keteıik, 23 aqpan kúni saǵat 08:00-de Ekibastuzda Sátbaev kóshesindegi úıdiń aýlasynda belgisiz bireý qarýdan oq atqan. Jaraqat alǵan er adam oqıǵa ornynda qaza tapqan.

Pavlodar oblysy Qylmystyq ister jónindegi mamandandyrylǵan aýdanaralyq sotynyń baspasóz qyzmeti zeınetkerdiń QR QK 99-babynyń 1-bóliginde jáne 287-babynyń 3-bóliginde kózdelgen qylmystyq quqyqbuzýshylyqtar jasaǵany úshin kináli dep tanylǵanyn aıtty.

«Qylmystyq quqyqbuzýshylyqtardyń jıyntyǵy boıynsha jazalardy ishinara qosý jolymen qylmystyq-atqarý júıesi mekemesinde eń joǵary qaýipsizdikti óteı otyryp, 12 jyl merzimge bas bostandyǵynan aıyrý túrindegi jaza taǵaıyndalsyn», dep habarlady  baspasóz qyzmetinde.

Keıinirek sottalýshy qarsylasynyń arqasynan jáne basynan atqany belgili boldy. Prokýror aıyptalýshyny Qylmystyq kodekstiń eki baby boıynsha 14 jylǵa bas bostandyǵynan aıyrýdy surady.

Jábirlenýshiler marqumnyń uly, qyzy jáne jubaıy eń joǵary jaza sharasyn – 15 jyl taǵaıyndaýdy jáne árqaısyna 5 mıllıon teńge mólsherinde moraldyq zııan óndirip alýdy surady.

Sottalýshy óz kinásin ishinara moıyndap, kisi óltirý oıy bolmaǵanyn túsindirdi. Jábirlenýshilerdiń azamattyq talaby ishinara qanaǵattandyrylyp, jalpy somasy 7 mln teńge óndirildi.

Úkim áli zańdy kúshine engen joq.

Sońǵy jańalyqtar

Altaı úzdikteri anyqtaldy

Aımaqtar • Keshe

Bir oblys «qyzyl» aımaqta tur

Koronavırýs • Keshe

Uly dala muralary

Elorda • Keshe

Eki júlde – «egemendikterde»

Egemen Qazaqstan • Keshe

Tbılısıde top jardy

Sport • Keshe

Kardıng shabýyly

Qoǵam • Keshe

Uqsas jańalyqtar