«Habar 24» taratqan aqparatqa sáıkes, saıahatshylar Chılıge jetken soń mindetti túrde bes kúndik karantınde bolýy kerek. Eki apta boıy ornalasqan jeri men densaýlyq jaǵdaıy týraly málimet beráp otyrýǵa tıis.
Sonymen qatar, Chılıge kirý úshin týrıster arnaıy elektrondy portal arqyly aldyn ala ekpe sertıfıkatynyń kelisimin alady. Málimetterdi tekserý prosesi bir aıǵa deıin sozylýy múmkin.
«Chılıde sheteldik týrısterdi qabyldaýǵa barlyq jaǵdaı jasalǵan. Olar sonymen qatar PTR synaǵy jáne mindetti karantın sııaqty densaýlyq qaýipsizdiginiń barlyq talabyna baǵynady. Osyǵan baılanysty biz búkil álemnen saıahatshylardyń úlken aǵynyn kútemiz», dep málimdedi kólik jáne kommýnıkasııa mınıstri Glorııa Ýtt.