«Elordamyzdy kógaldandyrý júrip jatyr. Qalada senbilikter men dástúrli kúzgi aǵash otyrǵyzý kezeńi bastaldy. Osy kúzde 500 myńǵa jýyq aǵash pen jasyl jelek, onyń ishinde elordanyń jasyl beldeýinde de otyrǵyzýdy josparlap otyrmyz.
Memleket basshysy kógaldandyrýǵa erekshe kóńil bóledi, óıtkeni bul el men qalalardy damytýdyń ajyramas bóligi. Osy jyldyń ózinde elordada otyrǵyzylǵan aǵashtar men jasyl jelekterdiń jalpy sany 1 mln-nan asady.
Búgin Búkilálemdik «World Cleanup day 2021» tazalyq kúni jáne «Birge – taza Qazaqstan» respýblıkalyq ekoınısıatıvasy aıasynda ótkiziletin jalpyqalalyq senbilikke qatystym. Jumys elordanyń barlyq aýdandarynda, sonyń ishinde eldi mekenderde júrgizildi: búginde shamamen 3 myń aǵash otyrǵyzyldy – emen, qaıyń, shyrsha, qaraǵaı, jóke jáne t.b. Jalpy aýdany 3 mln sharshy metrge jýyq saıabaqtar men gúlzarlar tazartyldy. Tek kommýnaldyq senbilik kúni 450 tonnadan astam qoqys shyǵaryldy.
Mysaly, birneshe jerge bardym: Esil ózeniniń boıyndaǵy saıabaqty abattandyrýdy jáne jappaı kógaldandyrýdy jalǵastyramyz, sondaı-aq ákimdik aýmaǵyna aǵashtar otyrǵyzamyz. Sonyń ishinde Agroqalashyq eldi mekenine baryp, turǵyndarmen kezdestim. Olardyń ótinishi boıynsha jattyǵý oryndary bar alańdar, demalýǵa arnalǵan oryndar, úlken fýtbol alańy jáne t.b. ashyldy. Bul Agroqalashyqtaǵy alǵashqy qoǵamdyq keńistik. Eki jyldyń ishinde qalada 400 aýla men qoǵamdyq keńistik (saıabaqtar, gúlzarlar, jelekjoldar) salyndy.
Turǵyndarǵa, volonterlerge, áriptesterime jáne qatysqandardyń bárine alǵys aıtamyn. Birlesken kúsh-jigerimiz arqyly qalamyzdy budan da jasyl eteıik!», dep jazdy elorda ákimi.
