Aımaqtar • 21 Qyrkúıek, 2021

Jármeńke jeltoqsanǵa deıin jalǵasady

130 ret kórsetildi

Qyzylordada jyldaǵy dástúr boıynsha aýyl sharýashylyǵy ónimderi jár­meńkeleri bastaldy. Aýdandar arasynan kúzgi molshylyq kerýenin al­ǵash bastap kelgen Shıeli aýdany dıqandary Astana dańǵyly boıynda, al qala mańyndaǵy sharýashylyqtar Taǵzym alańynda jármeńke uıym­dastyrdy.

Oblys ákimi Gúlshara Ábdiqa­ly­qova jármeńkeni aralap, jurt­shylyqpen tildesti. Jaýap­ty­lar­ǵa jergilikti ónim­derdiń sapasy men baǵasyn qada­ǵalap, satýshy men alýshyǵa tıim­di saýdalanýyn qada­ǵalaýdy tapsyrdy. Halyqty arzan ónimmen qamtý maq­sa­tynda uıymdastyrylǵan saýda sóre­lerinen turǵyndar balyq, qurt, irim­shik, kúrish, kókónis pen jemis-jıdekterdi arzan baǵada satyp aldy.

Shıelilikter oblys ortalyǵyna 47 kólikke tıelgen 36 tonna aq kúrish, 63 tonna kókónis, 73 tonna baqsha ónimderin, 61 tonna kartop jetkizipti. Olar bazar baǵasynan 10-15 paıyz arzan satyldy.

Oblys ákimi Taǵzym alańynda Qyzylorda qalasyndaǵy sharýa qoja­lyq­tarynyń jármeńkesine de qatysty. Munda qalaǵa qarasty kent pen aýyl­dyq okrýgter, aýyl sha­ra­shy­lyǵy qury­lym­dary, kásip­ker­ler men «Baıqońyr» ÁKK» UQ» AQ ákelgen 16,5 tonna kartop, 9,6 tonna sábiz, 7,5 tonna jýa, 20 tonna kúrish, 4,3 tonna sıyr eti, 1,1 ton­na jylqy eti saýdalandy.

Qyrkúıekten bastalǵan osy jár­meń­ke jeltoqsanǵa deıin jalǵasyp, oblys ortalyǵyna ár apta saıyn aýdandardan aýyl sharýashylyǵy ónimderi kerýeni jetkiziledi.

 

Qyzylorda

 

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar