Oblys prokýratýrasymen jedel-izdestirý is-sharalary taǵaıyndaldy, olardyń nátıjeleri boıynsha «Qalalyq aqparattyq kitaphana júıesi» KMM dırektory men onyń orynbasarynyń bıýdjet qarajatyn jymqyrý faktileri rastaldy.
Qylmystyq iske mekemeniń ondaǵan qyzmetkerleri men mekeme basshylarynyń týystary tartyldy. Jalaqy jáne basqa da tólemder basshylyq pen basqa da qyzmetkerlerdiń banktik shottaryna jalǵan ótinishter negizinde aýdarý jolymen urlanǵan.
Sotqa deıingi tergep-tekserý júrgizý úshin tekserý materıaldary men jınalǵan dáleldemeler sybaılas jemqorlyqqa qarsy is-qımyl departamentine joldandy. Eki aı ishinde qylmystyq isti tergeý aıaqtalyp, aıyptaý aktisimen sotqa jiberildi.
Kókshetaý qalalyq sotynyń 2021 jylǵy 16 shildedegi úkimimen mekeme dırektory men onyń orynbasary jalpy somasy 3,8 mıllıon teńgege aıyppul taǵaıyndaýmen sottaldy. Atalǵan adamdar ómir boıy memlekettik qyzmette jáne uıymdarda laýazymdardy atqarý quqyǵynan aıyryldy. Sot úkimi 2021 jylǵy 3 tamyzda zańdy kúshine endi.
