«BUU janyndaǵy Halyqaralyq elektr baılanys odaǵy Qazaqstanǵa jańa +997 def kodyn belgiledi. Endi bizdiń elden basqa memleketke qońyraý shalǵanda, sheteldikterdiń telefonynda Qazaqstan degen jazý shyǵady. Sondaı-aq halyqaralyq deńgeıdegi sıfrly servısterdi qoldanǵanda da, barlyq jerde Qazaqstan degen sıgnal shyǵady», delingen mınıstr málimdemesinde.
Mınıstrdiń aıtýynsha, kezinde KSRO taraǵanda, +7 halyqaralyq telefon kody eki elge birdeı bekitilgen.
«Biz Qazaqstanǵa ǵana tıesili halyqaralyq kodqa qol jetkizý úshin byltyrdan beri telekommýnıkasııa salasyndaǵy kompanııalarmen birge jan-jaqty jumys júrgizip kelemiz. Osy kelissózderdiń nátıjesinde bizdiń elge derbes +997 kody bekitildi. Qazir tıisti qujattar rásimdelip, jańa kodqa kóshý boıynsha is-sharalar atqarylyp jatyr», dep túsindirdi mınıstr.
