HHII Qysqy Olımpıadanyń bastalýyna 3 kún qaldy

Dúnıe dodasynyń dúbiri

– Ábil Beketuly, shaıbaly hokkeıden qyzdar jáne erler komandasy joldamasyz qaldy. Biz Sochıden qandaı nátıje kútemiz? – Aldyn ala pálen medal alamyz, komandalyq esepte jaqsy nátıje kútemiz deý ábestik bolar. О́ıtkeni, sportta kútpegen oqıǵalar bolyp jatady. Keıde qolda turǵan medaldyń syrǵyp ketkenin ańǵarmaı qalasyz. Shy­ǵys Qazaqstan oblysy boıynsha Sochıdegi HHII Qysqy Olım­pıa­daǵa kandıdat retinde 29 sportshy iriktelip alynǵan. О́ńir basshysy, sportqa erekshe jaǵdaı jasaıtyn Berdibek Saparbaev olarǵa barynsha kómek kórsetý jóninde tapsyrma bergen. Atap aıt­saq, olardyń barlyǵyna ob­lys ákimi 50 myńnan 300 myń teńgege deıin stıpendııa taǵaı­yn­dady. Altyn medaldan úmit­ker shańǵyshy Alekseı Poltora­nınniń kómekshileri bar, oǵan 2 «Býran», eki qarda júretin shana satyp áperdik. Munyń aldynda Qazaqstan quramasy Bolgarııada oqý-jattyǵý jıynyn ótkizdi. Shyǵystan baratyn sportshylar shańǵy rollerinen Qazaqstannyń Shortandyda ótken jazǵy chempıonatynda baq synady. Alekseı babynda eken, bul jarysta top jardy. Rıdderlik Sergeı Cherepanov ta jaqsy júgirdi. – Sochıde biz Alekseı Pol­to­ra­nınnen úmit kútemiz. О́t­ken jylǵy Álem kýbogy bá­se­kesinde jerlesimiz on ret, onyń ishinde úsh ret altyn, kúmis, qola medaldardy ıelendi. Ile-shala álem chempıonatynda qa­tarynan eki ret qolany ýy­synda ustady. Amal bar ma, qolda turǵan altynnan aıy­ry­lyp qalǵanyna da kýá bol­dyq. Sonaý 1994 jylǵy Smır­novtyń altynynan beri 19 jyl ótipti... – Endi alǵashqy saýalǵa ora­laıyq. Búgingi kúni 24 joldama qolda bar. Shańǵyshy Gennadıı Matvıenko birer kúnde jol­damaǵa ıe bolady degen oıda­myz. Frıs­taıldan Pavel Kolmakov ta Sochıge baratyn boldy. Taý shańǵysynan Igor Zakýrdaev pen snoýbordshy Valerııa Soı da Olımpıadaǵa ázirlenip jatyr. «Aryq aıtyp, semiz shyqqanǵa» ne jetsin! Olımpıadanyń altyny armanymyz. Jasyratyny joq, biz altyndy Poltoranınnen kúte­miz. Biraq keıde altyn qustyń qo­lymyzǵa kelip túse­ti­nin umyt­paǵan jón. О́tken jyly mánerlep syrǵanaýshy Denıs Ten álem chem­pıonatynyń kúmisin oljalady. Negizinde, Ten altyn alýǵa tıis bolatyn. Tóreshiler bura tartyp altyndy basqaǵa julyp áperdi. Frıs­taıldan halyqaralyq dáre­jedegi Iýlııa Galysheva, Dmıtrıı Reıhard, Dmıtrıı Barmashov, Darıa Rybalova, taǵy basqalar namysty qoldan bermes degen oıdamyz. Kim biledi, aty atalǵan frıstaılshylardyń biri medalǵa ıe bolyp jatsa, asyǵymyz alshysynan týar edi. Qazir olardyń barlyǵy О́ske­mende jattyǵyp jatyr. Birer kúnnen keıin saparǵa shyǵa­ryp salamyz. Oblys ákimi Ber­dibek Máshbekuly jaqynda sport­shylarǵa sáttilik tilep, batasyn berip, Iýlııa men Alekseıden medal kútetinin aıtty. Dmıtrıı Reıhardtyń da medal alýǵa múmkindigi bar. Snoýbordtan tuńǵysh ret Olımpııa oıyndaryna qatysý múmkindigi týyp otyr. Valerııa Soıdy ákesi jat­tyq­tyrady. О́tken jyly Valerııa halyqaralyq jarystarda tamasha nátıje kórsetti. Úrjar aýdanynyń túlegi, shańǵyshy Er­dos Ahmadıevtiń Olımpıadada Qazaq eliniń Kók týyn ustap shy­ǵatyny biz úshin abyroı. Bıat­­lonshy Iаn Savıskıı, Alek­sandr Trıfonov, Sergeı Naý­mık, Olga Poltoranına, taý shań­ǵy­sy­­nan Igor Zakýrdaev, Irına Mo­lostova, shańǵydan Ele­na Ko­lo­mına, Oksana Iаskaıa, Anas­ta­sııa Slo­no­va, taǵy basqalar el namy­­syn qoldan bermes degen oıdamyz. Áńgimelesken Ońdasyn ELÝBAI, «Egemen Qazaqstan».  О́SKEMEN.