Saýaldamany tolyqtyrýǵa nemese túzetýge bolady

Sondyqtan eger tirkelgen ári sanaqtan ótken respondent sanaq paraǵyna ózgeris engizýdi qalasa, baılanys ortalyǵyna nemese aımaqtardaǵy jaýapty tulǵalar­dyń telefondaryna habarlasýy qajet (tizim sanaq.gov.kz saıtynda kórsetilgen). Baılanys ortalyǵyna habarlasqannan keıin respondentterde úı sharýashy­lyǵy (otbasy) múshelerin qosý, ýaqytsha turǵanyn kórsetken azamattar úshin turaqty turatynyn belgilep, 3-I sanaq paraǵyn ózi jáne qosylǵan otbasy músheleri úshin tolyqtyrý múmkindigi beriledi. Budan bólek anketany qazannyń 1-30 aralyǵynda úılerdi aralaıtyn ıntervıýerlerdiń kómegimen de toltyrýǵa bolady.

17 qyrkúıek saǵat 16:00-degi jaǵdaı bo­ıynsha 3 883 145 respondent onlaın sanaq­tan ótti. Olardyń 3 352 748-i sanaq.gov.kz saıtynda, 379 629 adam Egov portalynda tirkelý arqyly jaýap berse, 150 768 adam sanaqqa Aitu qosymshasy arqyly qatysty.

Onlaın sanaqtan ótkender sany boıynsha Almaty oblysy alda keledi. Munda 407 552 turǵyn sanaqtan ótkeni jaıly habarlama alǵan. Onlaın sanaqtan ótken taǵy 393 942 adam Túrkistan oblysynda tirkelgen. Úzdik úshtikti Almaty qalasy túıindedi. Munda 356 180 adam sanaq saýaldaryna jaýap berdi.

Bul kórsetkish boıynsha ázirge sońǵy eki oryndy Soltústik Qazaqstan jáne Mańǵystaý oblystary enshilep tur. Bul óńirlerde sáıkesinshe 111 968 jáne 101 136 adam sanaqtan ótipti.

Al jergilikti halyq sanyna shaqqan­daǵy sanaqtan ótkenderdiń úlesi boıynsha Qyzylorda oblysy alda tur. Munda azamattardyń 34,8%-y saýaldarǵa ja­ýap bergen (1 tamyzdaǵy jaǵdaı boıynsha óńirde 823 052 adam tirkelgen). Bul kórsetkish boıynsha Batys Qazaqstan oblysy ekinshi orynda. Munda turǵyndardyń 30,5%-y búginge deıin sanaqtan onlaın rejimde ótken (1 tamyzdaǵy jaǵdaı boıynsha óńirde 749 754 adam tirkelgen).

Ulttyq statıstıka bıýrosy azamattar­dyń bel­sendiligi úshin alǵys aıta otyryp, sanaq­ty onlaın ótýge shaqyrady. sanaq.gov.kz saıty 15 qazanǵa deıin táýlik boıy qoljetimdi bolmaq. Onlaın sanaq­tan ótpegender 1-30 qazan aralyǵynda ınter­vıýer­lerdiń saýaldaryna jaýap bere alady. Barlyq saýaldar boıynsha 1446 baılanys ortalyǵyna habarlasýǵa bolady. Qońyraý shalý tegin.