Satylǵan 76 myńnan astam kóliktiń 73 367-si – jeńil jáne jeńil kommersııalyq avtomobılder bolsa, 2 672-si – júk kólikteri men avtobýstar eken.
«Avtomobıl men komponentterdi jetkizý boıynsha jaǵdaı máz emes, biraq avtokólikke degen suranys ósip keledi. Dılerler men óndirýshiler Qytaı arqyly ótetin avtomobılder men quramdas bólikterdi jetkizip berý boıynsha sheshimdi kútip otyr. Júkterdi jiberý kezegi birneshe aıǵa sozylyp tur. Sonymen qatar álemdik naryqtaǵy elektrondy komponentterdiń tapshylyǵy aı saıyn suranys pen usynys arasyndaǵy alshaqtyqty ulǵaıtyp jatyr» dep jazady qazaqstandyq avtobıznes qaýymdastyǵy.
Al tamyz aıynda eń kóp satylǵan brendter ondyǵynyń kóshin Chevrolet bastady – 2 196 dana. 1 561 danamen Hyundai – ekinshi orynda. Úzdik úshtikti 1 012 danamen Toyota túıindegen. Kia dılerleri ótken aıda 825 kólik satsa, Lada – 716, Volkswagen – 356, Nissan – 331, JAC – 328, Renault – 308 jáne BMW 114 avtomobıl saýdalaǵan.
Tamyzdaǵy TOP-10 model tiziminiń basynda 1 330 satylymmen Chevrolet Cobalt tur. Odan keıingi orynda – Chevrolet Nexia (542) jáne Hyundai Accent (499). Sondaı-aq tutynýshylar tarapynan Toyota Camry (437), Hyundai Elantra (326), Lada Largus (282), Hyundai Sonata (255), Hyundai Tucson (243), Kia Rio (243), Toyota Rav4 (213) modelderine degen de qyzyǵýshylyq asa joǵary bolyp tur.
