Aqparat mınıstri «Rýhanı jańǵyrý» baǵdarlamasy 2021 jyldan bastap Úkimet qaýlysymen Ulttyq joba retinde daıyndalǵanyn atap ótti. Balaevanyń aıtýynsha, joba aıasynda ázirlengen sharalar jas ereksheligine qaraı toptastyrylǵan.
«Búgingi tańda baǵdarlamanyń alty negizgi baǵyty boıynsha 16 arnaıy joba júzege asyrylyp jatyr. Olardyń arasynda «Týǵan jer», «100 jańa esim», «Kıeli Qazaqstan», «100 jańa oqýlyq» jobalary bar», dedi mınıstr.
Mınıstrdiń málimdemesine súıensek, «Týǵan jer» jobasyna 13 myńnan astam mesenat qatysqan. Olar el aýmaǵynda 280 mlrd teńgege 7 myńǵa jýyq áleýmettik nysan salǵan.
«Kıeli Qazaqstan» jobasy aıasynda jalpyulttyq mańyzy bar tanymal oryndar men nysandardyń tizimi keńeıtilgen.
«Jalpyulttyq mańyzy bar 2 myńnan astam nysan jáne óńirlik mańyzy bar 500-den astam nysan anyqtalyp, elimizdiń kıeli jerleriniń kartasy men eki tomdyq ensıklopedııasy jarııalandy. El boıynsha 28 tarıhı nysan qaıta jańǵyrtylyp, «Bozoq», «Botaı» jáne «Saraıshyq» murajaı-qoryqtary ashyldy», dedi mınıstr.
