Parlament • 22 Qyrkúıek, 2021

Depýtattar kredıt mólsherlemesin tómendetýdi talap etti

83 ret kórsetildi

Qazaqstanda jeke tulǵalardyń bankrottyǵy týraly zań jobasyn jedel túrde ázirleýdi talap etti, dep habarlaıdy Egemen.kz.

Bul týraly LS basylymy málim etti.

Májilismen Andreı Lınnık múliktik daý-damaıǵa baılanysty bes adam qaza tapqan Almatydaǵy qaıǵyly oqıǵany eske saldy.

«Osyǵan baılanysty qarjy naryǵyn retteý jáne damytý agenttiginen qaryz alýshylardyń zańdy quqyqtaryna qysym jasaýyna jol bermeı, bankterdiń múlikti baǵalaýyn tómendetý máselelerin shuǵyl pysyqtaýdy talap etemiz. Sondaı-aq kepilge salynǵan múlikti ótkizý kezinde bankterdiń laýazymdy adamdarynyń jáne sot oryndaýshylarynyń sóz baılasýy úshin kez kelgen múmkindikterdi bolǵyzbaý kerek. Bolashaqta osyndaı qaıǵyly jaǵdaı qaıtalamaıtyndaı «jeke tulǵalardyń bankrottyǵy týraly» zań jobasyn jedel ázirleý qajet», dedi ol.

Depýtat bul dramanyń birqatar mán-jaılary tek polısııa tarapynan ǵana emes, qarjylyq retteýshiler tarapynan da jeke zerdeleýdi talap etetinin atap ótti.

«Qaıǵyly oqıǵanyń sebebi jalǵyz turǵyn úıi úshin boryshkerdiń bankpen daý-damaıy bolǵandyǵy belgili. Ashyq kózderden alynǵan aqparat boıynsha, 121 mln teńge qaryz bolǵan kezde bank baǵalaý quny 184 mln teńge bolatyn jer ýchaskesi bar turǵyn emes úı-jaıdy alyp qoıyp, ony 96 mln teńgege nemese eki ese az dep baǵalaǵan. Al osy múlikke qosymsha bank boryshkerdiń turǵyn úıin de alýǵa sheshim qabylǵan», dep atap ótti depýtat.

Bul jaǵdaı taǵy da halyqtyń Ulttyq banktiń joǵary bazalyq mólsherlemesimen týyndaǵan orasan zor kredıttelýine nazar aýdarady. Sondaı-aq osyndaı daýlar boıynsha sot sheshimderiniń ádiletsizdigi jáne sot oryndaýshylary men bank qyzmetkerleriniń yqtımal sóz baılasýy bolýy múmkin.

«Biz «jeke tulǵalardyń bankrottyǵy týraly» zańdy ázirleýdi birneshe ret usyndyq, onda bankrotqa ushyraǵan azamattardyń ómirlik quqyqtaryna kepildik berilýi qajet. Biraq ony úkimet buǵattady», dedi májilismen.

Ol boryshkerdiń kepil múlkin alyp qoıý kezinde baǵalaý qunynan aýytqý 10-15%-dan aspaýy tıis dep esepteıdi, óıtkeni resimdeý kezinde qun bastapqyda nesıe somasyna 30-40%-ǵa tómendetiledi.

«Osyǵan baılanysty qarjy naryǵyn retteý agenttigine bankterdiń áreketterinen qorǵansyz bolyp tabylatyn boryshkerlerdiń alyp qoıylatyn múlkiniń qunyn tómendetý boıynsha bankterdiń múmkindikterin shekteý qajet dep sanaımyz. Sondaı-aq nesıe somasyn jasandy kóbeıtýdi toqtatý úshin, nesıeler boıynsha mólsherlemeni tómendetý kerek. Ol úshin Ulttyq banktiń bazalyq mólsherlemege qatysty saıasatyn qaıta qaraý qajet, ol búginde ınflıasııany tejemeıdi, alaıda joǵary paıyzdarǵa ákelýde», dep túıindedi Lınnık.

Buǵan deıin Bank SentrKredıt Almatyda bes adamǵa oq jaýdyrǵan azamattyń turǵyn úı jaǵdaıyna qatysty túsinikteme bergen bolatyn.

Esterińizge sala keteıik, Qazaqstanda jeke tulǵalar úshin bankrottyqty engizýdi kózdeıtin «Qazaqstandyqtardyń tólem qabilettiligin qalpyna keltirý týraly» zań jobasy boıynsha jumys qaıta bastalǵan joq.

Keıinirek, 2019 jyldyń sońynda májilismender bul zań jobasyna qaıta oralýdy talap etken bolatyn.

Sońǵy jańalyqtar

Dollar baǵamy qaıta ósti

Qarjy • Búgin, 16:12

«Almaty-2» vokzalynda órt shyqty

Oqıǵa • Búgin, 15:01

Uqsas jańalyqtar