Senator elimizdegi balalar men jasóspirimder sportyn qarjylandyrýdy ulǵaıtýdyń mańyzdylyǵyn atap ótti. Depýtattyń pikirinshe, Prezıdenttiń buqaralyq sportty damytý jónindegi tapsyrmasyn oryndaý úshin belsendi jumystar júrgizilýi qajet.
Nurjan Nursıpatov sondaı-aq aldaǵy Olımpıadaǵa daıyndyqtyń barynsha joǵary deńgeıine qol jetkizý úshin qajetti sharalar, onyń ishinde zańnamalyq sıpattaǵy usynystar týraly salalyq mınıstrlikten habardar etýdi surady.
«2022 jyldyń 4-20 aqpan aralyǵynda Beıjińde XXIV qysqy Olımpıada oıyndary ótedi. Iаǵnı olardyń bastalýyna bes aıdan az ýaqyt qaldy. Osy oraıda ótken jazǵy Olımpıada nátıjesiniń qaıtalanýyn bárimiz de qalamaımyz. Osyǵan baılanysty aldaǵy oıyndarǵa daıyndyq deńgeıi qandaı? Tokıodaǵy jaǵdaıdyń qaıtalanbaýy úshin ne isteý kerek? Bizdiń «qysqy» quramany irikteý, jattyqtyrý jáne qarjylandyrý jumystary qalaı júrgiziledi degen suraqtar týyndaıdy», dedi Nurjan Nursıpatov.
