Atap aıtqanda, azamattyq qyzmetshilerdiń, memlekettik bıýdjet qarajaty esebinen ustalatyn uıymdar qyzmetkerleriniń, qazynalyq kásiporyndar qyzmetkerleriniń tarıftik mólsherlemeleri:
- joǵary jáne (nemese) joǵary oqý ornynan keıingi bilim berý uıymdarynan basqa, bilim berý uıymdarynyń pedagogteri;
- memlekettik uıymdardyń: stasıonarlyq jáne jartylaı stasıonarlyq úlgidegi medısınalyq-áleýmettik mekemelerdiń, úıde qyzmet kórsetý, ýaqytsha bolý uıymdarynyń, jumyspen qamtý ortalyqtarynyń basqarýshylyq, negizgi personaldarynyń qyzmetkerleri;
- medısına jáne farmasevtıka qyzmetkerleri MdU-nyń belgilengen mólsherine túzetý koeffısıentin qoldana otyryp aıqyndalady:
2022 jylǵy 1 qańtardan bastap 1,23;
2023 jylǵy 1 qańtardan bastap 1,45;
2024 jylǵy 1 qańtardan bastap 1,71;
2025 jyldyń 1 qańtarynan bastap 2,0 mólsherinde.
Qujattan kórinip turǵandaı, uıymdar qyzmetkerleriniń tarıftik mólsherlemeleri atqaratyn laýazymdaryn fýnksıonaldyq bloktarǵa jatqyzýǵa jáne mamandyǵy boıynsha jumys ótiline, berilgen biliktilik razrıadtaryna (jumysshylar úshin) qaraı esepteý úshin bekitilgen tıisti koeffısıentterdi bazalyq laýazymdyq aılyqaqy mólsherine kóbeıtý jolymen aıqyndalady.
Pedagogterdiń jekelegen sanattary úshin tarıftik mólsherlemeler aptasyna belgilengen oqý júktemesi negizinde aıqyndalady.
Zańnamaǵa sáıkes erekshe mártebe berilgen memlekettik joǵary oqý oryndarynyń mamandary men qyzmetshileriniń tarıftik mólsherlemeleri MdU-nyń belgilengen mólsherine arttyrý koeffısıentin qoldana otyryp aıqyndalady.
Qaýlyny 2022 jylǵy 1 qańtardan bastap qoldanysqa engizý josparlanýda.
Qujat jobasy 6 qazanǵa deıin «Ashyq NQA» saıtynda jarııa talqylaý úshin ornalastyrylǵan.
