Tehnologııa • 23 Qyrkúıek, 2021

Smartfonǵa syıǵan saýda

40 ret kórsetildi

Elektrondy kommersııa úlesi aı sanap artyp keledi. Qyzmet usynýshy kompanııalar da bul trendke beıimdelip jatyr. О́ıtkeni tutynýshylar qolma-qol emes, onlaın tólem jasaýdy qup kóre bastaǵan. PwC Kazakhstan kompanııasy Sıfrly Qazaqstan qaýymdastyǵymen birlesip, elektrondy naryqqa taldaý jasap, oǵan eldegi iri kompanııalar qatysqan.

Onlaın saýdada hıt taýar qaısy?

PwC Kazakhstan zertteýine Mechta.kz, Kaspi.kz, Lamoda.kz, ForteMarket, «Qaz­poshta» jáne ózge de ataýlaryn qupııa saqtaýdy ótingen uıymdar qatysyp, naryq kartınasyn ashýǵa kómektesken. Zert­teýge súıensek, saýdany smartfonmen jasaý úlesi 91 paıyzǵa ósken. Bul byltyrǵydan 2 paıyzǵa joǵary.

Mechta.kz kompanııasy 2021 jyldyń alǵashqy alty aıy elektrondy kommersııa úshin sátti boldy dep sanaıdy. «Byltyr elektrondy kommersııanyń taralýyn lokdaýnmen baılanystyrǵan edik, biraq onlaın naryq bıyl da álde­qaıda ósti», deıdi. Kompanııa ókiliniń sózimen kelisýge bolady. 2021 jyldyń alty aıyndaǵy bólshek onlaın-saý­da kólemi 2020 jyldyń alty aıymen sa­lystyrǵanda 116 paıyzǵa ósken. Árıne, bul – aıtarlyqtaı kórsetkish. Sa­rapshylar karantın shekteýleri ke­zinde paıda bolǵan tutynýshylyq ádet­ter­diń ýaqyt óte kele tutynýshylyq má­­de­nıettiń bir bólshegine aınalǵanyn aı­tady.

Kaspi.kz kompanııasynyń habarlaýyn­sha, el turǵyndary úı, qurylys, jón­deý jumystary úshin qajetti zattardy kó­bi­rek satyp ala bastaǵan. Sondaı-aq ta­maq ónimderi de aldyńǵy qatarda.

«Bizdiń alańda satyp alynǵan taýar sany bir adamǵa shaqqanda 2 ese kóbeıdi. 2020 jylmen salystyrǵanda assortımentti 3 ese keńeıttik, aksııalardy jıi usy­namyz, qazir jetkizip berý geografııasyn 73 qalaǵa deıin kóbeıttik», deıdi kompanııa.

«COVID-19-ben kúres boıynsha shekteý sharalary tutynýshylardyń onlaın saýda jasaý múmkindigin arttyra tústi. Qazir naryq qatysýshylary seriktestik qatynastardy nyǵaıtý jáne servıs sapasyn jaqsartý arqyly transformasııany jalǵastyrýda. Tutynýshylar tarapynan onlaın-alańdarǵa degen senimniń jáne qymbat taýarlardy onlaın ala bastaýdyń óskeni baıqalady. Bıyl birinshi jartyjyldyqta bólshek elektrondy kommersııa naryǵynyń aınalymy 426 mlrd teńgege jetti. Jahandyq jáne jergilikti naryqta marketpleıster erekshe rólge ıe bola bastady», deıdi PwC Kazakhstan seriktesi Natalıa Lım.

 

Marketpleıs – mańyzdy

N.Lım sózinde jan bar. Qazir market­pleısterdiń dáýreni júrip tur (aldaǵy ýaqytta da solaı bola beretin sııaqty). Endi tórt jyldan soń álemdik saýdadaǵy marketpleıs úlesi 70 paıyzdan asady degen boljam bar. Bizdiń elde marketpleıs­ter naryǵyn damytýǵa bankter, qarjy tehnologııalyq qurylymdar, jergilikti jáne sheteldik saýda alańdary atsalysyp otyr. Marketpleıs eki tarapqa da tıimdi. Bul – satyp alýshylar úshin keń aýqymdy assortıment; tıimdi ba­ǵany tańdaý múmkindigi; ónimge jedel qol­jetimdilik; yńǵaıly ınterfeıs bolsa, satý­shylar úshin – klıentterdiń úlken bazasy; aýtsorsıngtik bıznes-qyzmetter.

Álemde 150-den astam iri marketpleıs bolsa, sonyń 50-i sońǵy on jylda paıda bol­ǵan.

«Marketpleısterdiń kóbi satyp alýshy­lardyń barlyq qajettigin ótep, túrli kategorııa boıynsha biryńǵaı oryn bolýǵa talpynyp jatyr», deıdi Kaspi. Al tutynýshylar elektrondy alańdy tańdaýda qandaı nársege basa nazar aýdarady? Lamoda.kz kompanııasynyń jaýabyna qarasaq, ondaı kezde tutynýshylar segmentke mán beredi.

«Mass-market baǵa, taýar qoljetim­diligine jáne jetkizý merzimine qaraıdy. Premıým kategorııasy assortıment pen qolaıly servıske qaraıdy. Olar elektrondy alań sapasyna qatysty da tym talapshyl. Tólemge kelsek, onyń 85 paıyzy taýardy alý kezinde jasalady. Tutynýshylar aldyn ala tólem jasaýǵa daıyn emes», deıdi.

Zertteýge qatysqan ForteMarket óz jaýabynda assortımentti basty faktor dep atapty. Iаǵnı klıent marketpleıs tańdaý kezinde onlaın-sóreniń qanshalyqty baı ekenine mańyz beredi.

«Ekinshiden, baǵaǵa qaraıdy. Úshinshi faktor – jetkizip berý qyzmeti. Kóptegen klıent taýardy jyldam jetkizý boıyn­sha qatty talap qoıady. Qala ishinde jet­kizip berý sol kúni nemese erteńine júzege asyrylady. Al qalaaralyq jet­kizý bizdiń tájirıbe boıynsha 3 kúnnen aspaýy kerek», deıdi olar óz málim­demesinde.

 

Basty kedergi qandaı?

Elektrondy bólshek saýdanyń óristeýi kezinde qandaı kedergi kóp kezdesti? Bul turǵyda da kompanııalardyń aıtary joq emes. Kaspi bıyl jańa kedergiler týyndaǵan joq dese, Lamoda «Eń bir atap óterligi – logıstıkanyń qymbattaýy. Bul qymbatshylyq tapsyrys ekonomıkasyna keri áserin tıgizbeýi qajet», deıdi.

«Kedergiler baıaǵy qalpynda, biraq klıentterdiń naryqqa kóptep kelýi jáne onlaın-tapsyrystardyń kóptigi olardyń jigin bildirmeı jiberdi». Bul pikirdi jarııalaǵan – ForteMarket.

«Logıstıkalyq qyzmet erekshe ma­ńyzǵa ıe. Ýaqytynda ári sapaly túrde jetkizý – klıentterdiń negizgi talap­tarynyń biri. О́kinishke qaraı, naryqtaǵy logıstıkalyq kompanııalardyń bári birdeı bul talaptyń údesinen shyǵa almaı otyr. Biraq bizdiń seriktester ınfraqurylym men prosesterdi jaqsartý boıynsha turaqty túrde ınvestısııa salyp otyr. Kóktemde «Qazposhtamen» stra­tegııalyq seriktestik boıynsha memo­ran­dýmǵa qol qoıdyq», deıdi olar.

 

Sońǵy jańalyqtar

Qor bırjasynda dollar qymbattady

Qarjy • Búgin, 15:53

Elimizde 43 gradýsqa deıin aıaz bolady

Aýa raıy • Búgin, 11:31

Aqsý-Jabaǵyly mańynda jer silkindi

Qoǵam • Búgin, 10:09

Uqsas jańalyqtar