Barymyzdy baǵalaı bilýimiz kerek

Elbasynyń bıylǵy Joldaý­yn­daǵy basym baǵyttardyń biri shaǵyn jáne orta bıznesti damytý bolǵany anyq. Memleket basshysy Joldaýda shaǵyn jáne orta bız­nes kólemin 2050 jylǵa qaraı eli­mizdiń ishki jalpy óniminiń 50 paıyzyn qamtamasyz etetin deń­geıge jetkizý qajet ekendigin atap ótti. Bárimizge belgili, qarjy polı­sııasy organdary eń aldymen memlekettiń ekonomıkalyq qaýip­sizdigin, kásipkerlerdiń zańdy quqyqtary men múddelerin qamtamasyz etedi. Eń bastysy, ekonomıkalyq qarjylyq jáne sybaılas jemqorlyq qylmystardyń aldyn alý, jolyn kesý bolyp tabylady. Prezıdent N.Nazarbaev bıyl­ǵy Joldaýynda «Asa mańyz­dy mindet – sybaılas jemqor­lyq­qa qarsy jańa strategııany qalyp­tastyrý jáne iske asyrýdy jalǵastyrý» dep, osy sala jumy­synyń jaýapkershiligin arttyrýdy taǵy bir atap ótti. Oblysymyzdyń shaǵyn jáne orta bıznesti damytýdaǵy tabys­tary jyldan-jylǵa artyp kele jatyr. Bıylǵy jyly oblys naryǵynda belsendi jumys isteıtin shaǵyn bıznes sýbektileriniń sany 125,8 myń birlikti, (112,5 paıyz ósim) qurady. Al olardyń óndirgen ónimi 534,1 mlrd. teńgeni qurap, jumyspen qamtylǵandar sany 279,6 myń adamǵa (9 paıyzǵa ósip) jetip otyr. Demek Elbasy tapsyrmasyn oryndaýda bizdiń múmkindikterimiz mol, endigi jerde osy múmkindikterdi iske asyrý mindeti tur. Búgingi basty mindetterdiń biri – kásipkerliktiń qaýipsizdigin qamtamasyz etý. Qazir bıznestiń jumysyna qarjy polısııasynyń jón-josyqsyz aralasýy toqtatylǵan. Áıtse de, biz qyzmetimizdi óz sheńberimizde ǵana shektep qoıǵan joqpyz. Basqa da quqyq qorǵaý organdarymen birlesip jumys istep, eń bastysy halyqtyń kómegine súıenýdemiz. Ońtústik Qazaqstan jeri ejelden Máńgilik El ıdeıasynan týyndap otyrǵan ulttyq birlikti sanada saqtaǵan, tatýlyqtyń ordasy bolǵan óńir. Qazaq halqynyń bir­liginiń sımvoly bolǵan Or­da­basy da bizdiń óńirde. Kúlli túrkiniń rýhanı ustazy Qoja Ah­met Iаsaýıdiń bizdiń óńirde máń­gilik baıyz tabýy, Túrkistan shahary baýyrlas halyqtardyń da kıeli mekeni sanalatyndyǵy da biz úshin maqtanysh. Bul Pre­zı­dent usynǵan «Máńgilik El» ıdeıa­symen tolyq úndesetin jaıt. Son­dyq­tan biz barymyzdy baǵa­lap, otandastarymyzdyń bereke-bir­liginiń temirqazyǵy bolatyn ıdeıa­ny odan ármen damytýǵa mindet­timiz. Serikbaı QUSAIYNOV, Ońtústik Qazaqstan oblysy boıynsha qarjy polısııasy departamenti basshysynyń birinshi orynbasary. Ońtústik Qazaqstan oblysy.