Jármeńke dástúrli túrde «Han Shatyr» SOO janyndaǵy alańda ótip jatyr.
«Elorda turǵyndaryna oblystyń taýar óndirýshileri et, sút, shujyq ónimderi, kókónis, baqsha ónimderi, jumyrtqa, un jáne t.b. usynady. Qala turǵyndary tańerteńnen bastap azyq-túlik satyp alyp júr. Búgingi jármeńkedegi taýarlardyń baǵasy naryqtyq baǵadan 15-20% tómen, sapasy óte joǵary, tańdaýy da úlken», deıdi Aqtóbe oblystyq aýyl sharýashylyǵy basqarmasynyń basshysy Isataı Espaǵambetov.
Kúzgi salqynǵa qaramastan, Aqtóbe oblysynyń taýar óndirýshileri elordaǵa jemis-jıdek, sonyń ishinde qaýyn, qarbyz, qulpynaı, tańqýraı ákeldi.
«Aýa raıy sýyq. Endi bir aptadan keıin tańqýraı da, qulpynaı da aıaqtalady. Biz elordaǵa jıdekterdiń sońǵy partııasyn jetkizemiz dep aıta alamyz», deıdi satýshy Ýmıda.
Aqtóbe oblysy elordadaǵy jármeńkege barlyǵy 197,2 tonna ónim jetkizdi. Onyń ishinde: et jáne et ónimderi - 60 tonna, kartop jáne kókónister - 61 tonna, sút jáne sút ónimderi - 16 tonna, ósimdik maıy - 1 tonna, jumyrtqa - 17,2 myń dana, balyq - 5,3 tonna, bal - 0,5 tonna, shujyq ónimderi - 8 tonna, un jáne makaron ónimderi - 8,5 tonna jáne ózge de ónimder - 19,7 tonna.
