Qala ákimdiginiń bastamasymen orman aýmaǵynda jalpy uzyndyǵy 13,2 shaqyrym bolatyn atpen júrýge arnalǵan soqpaq jol paıdalanýǵa berildi. Jasyl beldeýde atpen serýendegisi kelgender arnaıy orynǵa kelip, belgili bir ýaqyt aralyǵyna jylqyny jalǵa ala alady.
«Atpen júrýge arnalǵan soqpaqta qala turǵyndary men qonaqtarynyń qaýipsiz demalysy úshin barlyq jaǵdaı qarastyrylǵan. Atap aıtsaq, nysan aýmaǵynda 5 demalys aımaǵy, avtoturaq, modýldik ájethanalar bar. Beınebaqylaý kameralary da ornatylǵan. Attardy kútip-baptaý, kelýshilerge qyzmet kórsetý baǵytynda 15 jańa jumys orny ashyldy. Munda kelýshilerge tabıǵat aıasynda taza aýada atpen serýendeýmen birge atqa minýdi úıretý qyzmeti de usynylady. Jaqynda áleýettik joba aıasynda densaýlyǵynda aqaýy bar jandar úshin ıppoterapııa qyzmeti iske qosylmaq», deıdi Nur-Sultan qalasy ákimdiginiń Qorshaǵan ortany qorǵaý jáne tabıǵatty paıdalaný basqarmasynyń bólim basshysy Qydyr Jıenáli.
Aıta ketsek, «Týrıstik marshrýt» dep atalatyn jańa nysan ornalasqan jasyl beldeý – qala qalqany. Onyń aýmaǵynda 12,1 mıllıonnan astam aǵash pen buta otyrǵyzylǵan.
