«Úsh mıllıard adam durys tamaqtanbaıdy. Eki mıllıard adamnyń artyq salmaǵy bar nemese semizdikpen aýyrady. Al 462 mıllıon adam ashtyqta ómir súredi», dedi BUU basshysy.
BUU basshysy jańa ekologııalyq qaýipsiz azyq-túlik júıelerin qurý qajet dep sanaıdy.
Antonıý Gýterrısh pen sammıttiń ózge qatysýshylary azyq-túlik júıelerin qaıta qarap, adamdardyń densaýlyǵyn jaqsartý, olardyń ál-aýqatyn kóterip, ǵalamshardy saýyqtyrý úshin úsh negizgi maqsat qoıýdy alǵa tartty.
Onyń aıtýynsha, azyq-túlik júıeleri barlyq adamnyń densaýlyǵy men ál-aýqatyn nyǵaıtýǵa yqpaldasyp, ǵalamshardy qorǵaýy tıis. Oǵan qosa, júıeler tek qana bıznes pen úleskerlerdiń ál-aýqatyn emes, sonymen qatar fermerler men azyq-túlik ónerkásibinde qyzmet etetin jumysshylardy qoldaýy kerek.
