Bul shara 28 qyrkúıek kúni ótedi dep josparlanýda. Kórmeniń maqsaty – halyqaralyq qaýymdastyqty Qazaqstannyń kóp ǵasyrlyq tarıhy men baı mádenıeti, respýblıka ǵalymdarynyń ǵylymı izdenisteriniń jańa nátıjelerimen tanystyrýǵa múmkindik berý.
Osy oraıda, aǵylshyndyq kórermenderge Qazaqstan arheologııasynyń zor jetistigi Gold of Kazakhstan ekspozısııasy kórsetiledi. Munda Berel qorǵandarynan tabylǵan súıek, kıiz jáne matadan jasalǵan jylqy ábzelderi kórermen nazaryna usynylady.
«Tanymal arheolog Zeınolla Samashev 1998 jyly qorǵannyń «Patshalyq oba» kezeńin zertteý barysynda №11 nysannan altynmen aptalǵan 13 tulpar men sol zamannyń kósemi – bekzada men áıeldiń súıegin tapqan bolatyn. «Berel jylqylary» degen ataýmen belgili bul janýarlar tarıhymyzdyń jaýhar biregeı jádigerine aınalǵan. Sondaı-aq erekshe qurylym men jerleý rásimi №36 obada tirkelgen bolatyn. Basqa jerde kezdespeıtin súıekten jasalǵan bulan sıpatty jylqy áshekeıi. Bul áshekeıdiń qundylyǵy da altynmen birdeı. Mundaı úlgiler Altaı óńiriniń basqa jerlerinde kezdespeıdi», deıdi «Berel» memlekettik tarıhı-mádenı qoryq-mýzeıi dırektorynyń mindetin atqarýshy Almas Sarbasov.
