Onyń vıdeosy áleýmettik jelide tarady. Beınejazbadan mas er kisiniń eki polısııa qyzmetkerine boı bermeı, aýrýhana kúzetshisimen eregesip, balaǵattaǵanyn jáne aýrýhananyń kireberisindegi oryndyqtardyń jerde qulap jatqanyn, esiktiń synǵanyn kórýge bolady.
Qalalyq jedel járdem aýrýhanasynyń málimetinshe, 1997 jyly týǵan mas pasıent ambýlatorııalyq emdelýge Medeý aýdandyq polısııa basqarmasynan jetkizildi. Oǵan oń jaq bileginiń ashyq jarasy dıagnozy qoıylǵan.
«Jarany tańyp bolǵannan keıin ol shý shyǵardy. Dárigerlerge dóreki sóılep, aýrýhananyń qabyldaý bóliminde turǵan zattardy laqtyrdy. Esikti syndyrdy, ol jóndeýge kelmeıdi. Aýrýhanaǵa materıaldyq shyǵyn keltirdi. Aýrýhanaǵa jedel áreket etý toby shaqyryldy, ony ustap polısııaǵa tapsyrdy», dep habarlady aýrýhanadan.
Qalalyq polısııa departamenti Almaly aýdanynyń polısııa basqarmasy bul azamatty usaq buzaqylyq úshin jaýapqa tartqanyn habarlady.
