Parlament • 27 Qyrkúıek, 2021

Máýlen Áshimbaev Túrkııa Uly Ulttyq jınalysynyń tóraǵasymen kezdesti

57 ret kórsetildi

Senatta Máýlen Áshimbaev Túrkııa Uly Ulttyq jınalysynyń tóraǵasy Mustafa Shentoppen kezdesti. Senat Tóraǵasy kezdesý barysynda Qazaqstan men Túrkııa arasyndaǵy qarym-qatynas strategııalyq áriptestikke, sondaı-aq tarıh, mádenıet jáne tilderdiń ortaqtyǵyna negizdelgenin atap ótti, dep habarlaıdy Egemen.kz.

Máýlen Áshimbaev Qazaqstan Prezıdenti Qasym-Jomart Toqaev pen Túrkııa Prezıdenti Rejep Taıyp Erdoǵan eki eldiń ózara qarym-qatynasyn damytýǵa erekshe nazar aýdaryp otyrǵanyn atap ótti. Tuńǵysh Prezıdent – Elbasy Nursultan Nazarbaev memleketterimiz arasyndaǵy baýyrlastyq baılanystardy odan ári nyǵaıtýǵa basa kóńil bólip keledi.

Taraptar yntymaqtastyqtyń qazirgi joǵary deńgeıin ekijaqty jáne kópjaqty sıpattaǵy parlamenttik dıplomatııa aıasynda nyǵaıtýdy jalǵastyrý mańyzdy degen ortaq pikirge keldi.

«Aldaǵy kezeńde bizge eki el parlamentteri arasyndaǵy ózara qarym-qatynasty nyǵaıtýdyń mańyzy zor. Biz salalyq komıtetterdiń yntymaqtastyq toptarynyń kezdesýlerin turaqty ótkizip, dóńgelek ústelder uıymdastyryp, zańnamalyq tájirıbemen bólise alamyz. Mundaı alańdarda ekijaqty qarym-qatynastardy damytý men halyqaralyq kún tártibi boıynsha ortaq usynystardy talqylaýǵa jáne qalyptastyrýǵa bolady», dedi Máýlen Áshimbaev.

s

Taraptar áńgime barysynda logıstıka, sıfrlyq tehnologııa, ǵarysh, týrızm, mádenıet, bilim berý jáne saýda-ekonomıkalyq qatynastar salalaryndaǵy áriptestikti damytýdyń keleshegin talqylady.

Senat tóraǵasy Máýlen Áshimbaev kezdesý sońynda Qazaqstan men Túrkııa arasyndaǵy dostyq qarym-qatynastardy nyǵaıtýǵa qosqan zor úlesi úshin áriptesine alǵys aıtyp, bul sapar parlamentaralyq yntymaqtastyqqa jańa serpin beretinine senim bildirdi.

Sońǵy jańalyqtar

Áýezov jáne túrki álemi

Rýhanııat • Keshe

Áskerdegi álimjettik

Qoǵam • Keshe

Ideologııa

Rýhanııat • Keshe

Meıirim men qatygezdik

Rýhanııat • Keshe

Eski men jańa arasy

Rýhanııat • Keshe

Bı padıshasy

Rýhanııat • Keshe

Sapa qaıtse jaqsarady?

Qazaqstan • Keshe

Qaıyrymdylyqtyń úlgisi

Qazaqstan • Keshe

Saq dáýiriniń tasy

Tanym • Keshe

Uqsas jańalyqtar